Sky Netလက်အောက်ရှိ One Newsသတင်းချန်နယ်နှင့်ရုပ်သံလိုင်းအချို့ရပ်နား

—————————————————————

၂၀၂၄ခုနှစ်၊နိုဝင်ဘာလ၊(၆)ရက်

Sky Netရုပ်သံလိုင်းလက်အောက်ရှိOne News သတင်းချန်နယ်အပါအဝင်ရုပ်သံလိုင်းအချို့ရပ်နား လိုက်တယ်လို့ ရုပ်သံလိုင်းနဲ့ နီးစပ်သူတွေထံမှ သိရပါတယ်။

‘’One News သတင်းချန်နယ်ရပ်နားသွားတယ်ဆိုတာဟုတ်ပါတယ်။ချန်နယ်တွေက ၅၀လောက်ပဲထားတော့မှာမို့လို့အချို့ချန်နယ်တွေလည်းရပ်နားသွားပါတယ်။ ရပ်နားသွားတဲ့ချန်နယ်တွေကဝန်ထမ်းတွေကတော့ အခြားချန်နယ်တွေကို သွားလို့ရပါတယ်။’’လို့One News သတင်းချန်နယ်နဲ့နီးစပ်သူအချို့ ကပြောပါတယ်။

One Newsသတင်းChannel Pageမှာလည်းပြည်တွင်းသတင်းတွေကို အဓိကထုတ်လွှင့်ခဲ့ပြီး အောက်တိုဘာ ၃၀ ရက်မှာ “ဗဟိုအမျိုးသမီးဆေးရုံကနေ ခိုးယူခံရတဲ့ကလေးငယ်ပြန်တွေ့”ဆိုတဲ့ သတင်းနောက်ပိုင်းမှာ သတင်း မတင်တော့တာပဲဖြစ်ပါတယ်။

One News သတင်းချန်နယ်ဟာသတင်းတွေကို ဦးစားပေးထုတ်လွှင့်တဲ့ချန်နယ်တစ်ခုဖြစ်ခဲ့သလို ၂၀၂၁ခုနှစ်မတိုင်မီက တိုက်ရိုက်သတင်းထုတ်လွှင့်မှုတွေနဲ့ နာမည်ရရှိခဲ့တဲ့သတင်းချန်နယ်ဖြစ်ခဲ့တဲ့အတွက်အခုလိုချန်နယ်ရပ်ဆိုင်း သွားတဲ့အတွက် သတင်းမီဒီယာလောကသားအချို့က ဝမ်းနည်းစိတ်ထိခိုက်ရတယ်လို့ သိရပါတယ်။

#Mercury#mercurynews#ပြည်တွင်းသတင်း#onenewmyanmar#skynetရုပ်သံ

ဓါတ်ပုံ-မူရင်းပိုင်ရှင်ကိုcreditပေးပါသည်။