Home Alone သားအမိ ပြန်ဆုံတဲ့နေ့

———————

ခရစ္စမတ်ရာသီ ရောက်လာပြီဆိုရင် ရုပ်သံလိုင်းတွေက ခရစ္စမတ်ရုပ်ရှင်ကားတွေကို ထုတ်လွှင့်ပြသပေးလေ့ရှိပါတယ်။ ခရစ္စမတ်ရာသီကို ရောက်လာပြီဆိုရင် ဘယ်အချိန်ပဲကြည့်ကြည့် ရိုးအီမသွားတဲ့ဇာတ်ကားကတော့ Home Alone ပါပဲ။

ထပ်ခါထပ်ခါ ပြန်ကြည့်ဖြစ်တဲ့ရုပ်ရှင်ကားတွေထဲမှာဆိုရင်လည်း Home Alone က ထိပ်ဆုံးတန်းမှာ ပါဝင်လို့နေပါတယ်။ ၁၉၉၀ ပြည့်နှစ်မှာ ပထမဆုံးဇာတ်ကား ထွက်ရှိခဲ့တဲ့ Home Alone မှာ အအောင်မြင်ဆုံးဖြစ်ခဲ့သူ သရုပ်ဆောင် မက်ကောလေး ကာလ်ကင် ပါပဲ။

အခုတော့ မက်ကောလေး ဟာ ဟောလိဝုဒ်ရဲ့ Walk of Fame လျှောက်လမ်းထဲမှာ ထည့်သွင်းအသိအမှတ်ပြုတာကို ခံလိုက်ရပါပြီ။ ဒီအခမ်းအနားဆီကို တက်ရောက်လာသူတွေထဲမှာ Home Alone ဇာတ်ကားထဲ မက်ကောလေး သရုပ်ဆောင်ရတဲ့ ကီဗင်ဇာတ်ကောင်ရဲ့အမေအဖြစ် သရုပ်ဆောင်ပေးခဲ့သူ ကက်သရင်း အိုဟားရားလည်း တက်ရောက်လာခဲ့ပါတယ်။

Home Alone ဇာတ်ကားထဲမှာ သားအမိတွေအဖြစ် သရုပ်ဆောင်ခဲ့ကြတဲ့ မက်ကောလေးနဲ့ ကက်သရင်း အိုဟားရားတို့ရဲ့ Walk of Fame စင်မြင့်ထက်မှာ ပြန်လည်ဆုံတွေ့မှုအခိုက်အတန့်က ကြည်နူးဝမ်းသာစရာမြင်ကွင်းဖြစ်လို့ တင်ဆက်ဖော်ပြပေးလိုက်ပါတယ်။

Photo Crd – EI News