မန်ယူကစားသမားဟောင်း ပေါ့ဂ်ဘာအားခေါ်ယူရန် နယူးကာဆယ် စိတ်ဝင်စားနေ

၂၀၂၄၊ဒီဇင်ဘာလ၊၆ရက်

ပရီးမီးယားလိဂ်ကလပ် နယူးကာဆယ်အသင်းဟာ လက်ရှိမှာကလပ်လက်မဲ့ ဖြစ်နေတဲ့ မန်ယူနိုက်တက်ကစားသမားဟောင်း ပေါ့ဂ်ဘာကို ခေါ်ယူဖို့ စိတ်ဝင်စားနေတယ်လို့ UK အခြေစိုက် သတင်းဌာနတွေက ဖော်ပြလာကြပါတယ်။

နယူးကာဆယ်အသင်းဟာ ကွင်းလယ်ပိုင်းမှာ အရန်ကစားသမားအင်အားနည်းပါးနေတာကြောင့် အသင်းလက်မဲ့ဖြစ်နေတဲ့ ပေါ့ဂ်ဘာကို ခေါ်ယူဖို့ စိတ်ဝင်စားလာတာဖြစ်ပြီး ကစားသမားရဲ့ စည်းကမ်းပိုင်းဆိုင်ရာအားနည်းမှုဟာ အသင်းအတွက် အဆင်ပြေနိုင်မလားဆိုတာကို အလေးအနက်စဉ်းစားလာတာဖြစ်ပါတယ်။

ပေါ့ဂ်ဘာအနေနဲ့လည်း ပရီးမီးယားလိဂ်ကို ပြန်လာချင်ပေမဲ့လည်း စည်းကမ်းပိုင်းဆိုင်ရာအားနည်းမှုတွေ၊လစာမြင့်မားတာတွေကိုတော့ ပြင်ဆင်ရဖို့ ရှိနေပါတယ်။

ပေါ့ဂ်ဘာဟာ တစ်ချိန်ကကမ္ဘာ့အကောင်းဆုံး ကွင်းလယ်လူအဖြစ် သတ်မှတ်ခံခဲ့ရပြီး ကမ္ဘာ့ဖလားကိုပါ ပြင်သစ်အသင်းနဲ့အတူရယူနိုင်ခဲ့တဲ့သူဖြစ်ပါတယ်။

#mercury#mercurynews#မန်ယူ#pogba #နယူးကာဆယ်