မြစ်ကြီးနားမြို့မှာ စက်သုံးဆီဈေး တစ်လီတာ တစ်သောင်းခွဲအထိ ရောက်လာ

၂၀၂၄၊နိုဝင်ဘာလ၊၂၈ရက်

ကချင်ပြည်နယ်၊မြစ်ကြီးနားမြို့မှာ စက်သုံးဆီ တစ်လီတာကို ကျပ် ၁၅၀၀၀ (တစ်သောင်းငါးထောင်) အထိဈေးမြင့်တက်နေတယ်လို့ ဒေသခံတွေဆီက သိရပါတယ်။

မြစ်ကြီးနားမြို့ မှာ အောက်တိုဘာလဆန်းတည်းက စက်သုံးဆီဈေးစတင် မြင့်တက်လာတာဖြစ်ပြီး နိုဝင်ဘာလ ၂၇နေ့မှာတော့ စက်သုံးဆီတစ်လီတာကို ကျပ် ၁၅၀၀၀ (တစ်သောင်းငါးထောင်) ထိမြင့်တက်လာတာဖြစ်တယ်လို့ သိရပါတယ်။

ဒေသခံတစ်ဦးက “ဒီနေ့ရောင်းနေတာက 92တစ်လီတာကို ၁၅၀၀၀ပေးရတယ်။ဒါတောင် အကန့်အသတ်နဲ့ရောင်းပေးနေတာ။ဆိုင်တွေမှာလည်းအများကြီးမကျန်တော့ဘူးထင်တယ်။လမ်းဘေးမှာရောင်းနေကြတဲ့သူတွေမှာဆို ရေသန့်ဘူးတစ်ဘူးကို ၁၆၀၀၀လောက်ပေးရတယ်။ဆီကားတွေမဝင်သေးရင်တော့ထပ်တက်လာအုံးမှာထင်တယ်”လို့ Mercury News ကိုပြောပါတယ်။

ကချင်ပြည်နယ်ဟာ လမ်းပန်းဆက်သွယ်ရေးအရလည်း ကုန်တွေဝင်ရောက်ဖို့ခက်ခဲနေပြီး လက်ရှိမှာ တရုတ်ပြည်နဲ့ ဆက်သွယ်ထားတဲ့ လမ်းတွေကပါ ပိတ်ထားတာကြောင့် ဒေသခံတွေဟာ အခက်အခဲတွေများစွာနဲ့ ရင်ဆိုင်နေရတာဖြစ်ပါတယ်။

ဓါတ်ပုံ-မူရင်းပိုင်ရှင်ကိုcreditပေးပါသည်။

#mercury#mercurynews#ပြည်တွင်းသတင်း#စက်သုံးဆီ#မြစ်ကြီးနား