ပရီးမီယားလိဂ်ပွဲစဉ် ၉ မှာ အာဆင်နယ်နဲ့လီပါပူးပွဲစဉ် သရေကျ

၂၀၂၄၊အောက်တိုဘာလ၊၂၈ရက်

ပရီးမီးယားလိဂ်ပွဲစဉ်၉ရဲ့ အကောင်းဆုံးပွဲစဉ်ဖြစ်တဲ့ အာဆင်နယ်နဲ့ လီပါပူးထိပ်တိုက်တွေ့ဆုံတဲ့ ပွဲစဉ်က တစ်ဖက်၂ဂိုးစီသရေကျသွားခဲ့ပါတယ်။

ပွဲကိုအာဆင်နယ်အသင်းက အကောင်းဆုံးစတင်နိုင်ခဲ့ပြီး ပွဲအစ၈မိနစ်ကျော်မှာတင် ဆာကာရဲ့ တစ်ကိုယ်တော်အစွမ်းနဲ့ဦးဆောင်ဂိုးကိုရရှိခဲ့ပေမဲ့ ပွဲကစားချိန်၁၈မိနစ်ကျော်မှာ လီပါပူးအတွက် နောက်ခံလူဗန်ဒိုက် ကချေပဂိုးသွင်းယူပေးနိုင်ခဲ့ပါတယ်။

ပထမပိုင်းပြီးဆုံးခါနီးမှာ မယ်ရီနိုရဲ့ သွင်းဂိုးနဲ့အာဆင်နယ်အသင်း ပွဲကို ထပ်မံဦးဆောင်နိုင်ခဲ့သလို လီပါပူးအသင်းကလည်း ချေပဂိုးရဖို့ ကြိုးစားခဲ့ကြပြီး ပွဲကစားချိန်၈၁မိနစ်မှာ ဆာလာက သရေဖြစ်စေမဲ့သွင်းဂိုးကို သွင်းယူပေးနိုင်ခဲ့တာဖြစ်ပါတယ်။

အာဆင်နယ်နဲ့လီပါပူးတို့ သရေကျသွားတာကြောင့် ပွဲစဉ်၉အားလုံးကစားပြီးသွားချိန်မှာ အမှတ်ပေးဇယားကို မန်စီးတီးအသင်းက ဦးဆောင်သွားပြီဖြစ်ပါတယ်။