ယူရိုပါလိဂ်ပွဲစဉ်မှာ မန်ယူသရေကျပြီး ကွန်းဖရန့်လိဂ်ပွဲစဉ်မှာ ချဲလ်ဆီးနိုင်

၂၀၂၄၊အောက်တိုဘာလ၊၄ရက်

ယူရိုပါလိဂ်ပြိုင်ပွဲနဲ့ ကွန်းဖရန့်လိဂ်ပြိုင်ပွဲရဲ့ ပွဲစဉ်တွေကို မနေ့ညကကစားခဲ့ကြပြီး နာမည်ကြီးအသင်းမန်ယူက ပေါ်တိုအိမ်ကွင်းမှာ သရေရဖို့ ခက်ခက်ခဲခဲ ရုန်းကန်ခဲ့ရပေမဲ့ ချဲလ်ဆီးကတော့ ဂျန့်အသင်းကို သက်တောင့်သက်သာနဲ့ အနိုင်ရသွားခဲ့ပါတယ်။

ပေါ်တိုနဲ့မန်ယူတို့ရဲ့ပွဲစဉ်မှာ အပြန်အလှန်သွင်းဂိုးတွေနဲ့ တစ်ဖက်သုံးဂိုးစီသရေကျခဲ့ပြီးမန်ယူအသင်းခေါင်းဆောင်ဘရူနို ဖာနန်ဒက်က နှစ်ဝါတစ်နီနဲ့ထုတ်ပယ်ခံခဲ့ရပါတယ်။ချဲလ်ဆီးနဲ့ဂျန့်အသင်းတို့ပွဲစဉ်မှာတော့ လေးဂိုးနှစ်ဂိုးနဲ့ ချဲလ်ဆီးအသင်းကအနိုင်ရရှိသွားခဲ့ပါတယ်။

ဉရောပဖလားပွဲစဉ်တွေကစားပြီးတဲ့အခါ ပရီးမီးယားလိဂ်ပွဲစဉ်တွေအဖြစ် မန်ယူက အက်စတွန်ဗီလာကို အဝေးကွင်းမှာရင်ဆိုင်ကစားရမှာဖြစ်ပြီး ချဲလ်ဆီးက နော်တင်ဟမ်ဖောရက်ကို အိမ်ကွင်းမှာလက်ခံကစားသွားရမှာဖြစ်ပါတယ်။