ရေဘေးသင့်ပြည်သူတွေအတွက် နာမည်ကြီးအဆိုတော်တွေက ရံပုံငွေ ဂီတဖျော်ဖြေပွဲ ပြုလုပ်မည်

၂၀၂၄၊စက်တင်ဘာလ၊၁၆ရက်

ရေဘေးသင့်ပြည်သူတွေအတွက် ရံပုံငွေရရှိဖို့ နာမည်ကြီးအဆိုတော်တွေစုပေါင်းပြီး ဂီတဖျော်ဖြေပွဲ ကျင်းပပြုလုပ်သွားမယ်လို့သိရပါတယ်။

ရံပုံငွေဂီတဖျော်ဖြေပွဲကို ရန်ကုန်မြို့၊မြေနီကုန်း ကုန်းကျော်တံတားအောက်မှာစက်တင်ဘာ၁၇ရက်နေ့နဲ့ စက်တင်ဘာ၁၈ရက်နေ့၊ ညနေ၃နာရီကနေ၈နာရီအထိ ပြုလုပ်သွားမှာဖြစ်ပါတယ်။

ထူးအယ်လင်း၊သာဒီးလူ၊ဝန၊စစ်သူ၊ဝေလ၊နောနော်တို့လို နိုင်ငံကျော်အဆိုတော်တွေအပြင်တခြားနာမည်ကြီးအဆိုတော်တွေ လည်း ရံပုံငွေဂီတဖျော်ဖြေပွဲကို ပါဝင်ဖျော်ဖြေကြမယ်လို့ သိရပါတယ်။