ယူကရိန်းကို တာဝေးပစ်လက်နက်တွေ ထောက်ပံ့ပေးရင် နေတိုးကို စစ်ကြေညာရလိမ့်မယ်လို့ ရုရှားသမ္မတပူတင် သတိပေး

၂၀၂၄၊ စက်တင်ဘာလ၊ ၁၄ရက်

ရုရှားနဲ့ တိုက်ခိုက်နေတဲ့ ယူကရိန်းကို တာဝေးပစ်ဒုံးကျည်တွေ ထောက်ပံ့ပေးလိုက်တာနဲ့ နေတိုးနှင့် ရုရှားတို့ စစ်ဖြစ်ရလိမ့်မယ်လို့ ရုရှားသမ္မတ ဗလာဒီမာပူတင်က သတိပေးလိုက်ပါတယ်။

ယူကရိန်းနဲ့ ရုရှားရဲ့ စစ်ပွဲဟာ နှစ်နှစ်ခွဲ ကျော်ရှိလာချိန်မှာ ယူကရိန်းက နေတိုးကို စစ်ပွဲနဲ့သက်ဆိုင်တဲ့ စည်းမျဉ်း၊စည်းကမ်း တွေကို လျော့ချပေးဖို့နဲ့ တာဝေးပစ်လက်နက်တွေကိုထောက်ပံ့ပေးဖို့တောင်းဆိုလိုက်ချိန်မှာ ရုရှားဘက်ကလဲ အခုလိုသတိပေးပြောဆိုလိုက်တာဖြစ်ပါတယ်။

ပြီးခဲ့တဲ့ ရက်ပိုင်းမှာ ယူကရိန်းတပ်ဖွဲ့တွေက ရုရှားအနောက်ပိုင်းနယ်မြေ ကာ့ရှ်ဒေသကိုသိမ်းပိုက်ခဲ့တာကြောင့် ယူကရိန်းနဲ့ရုရှားကြားမှာ စစ်ပွဲတွေပြန်လည်ပြင်းထန်နေတာဖြစ်ပါတယ်။