တောင်ကြီး၊ဘုရင့်နောင်လမ်းတွင်ညသန်းခေါင် မီးလောင်

—————————————-

၂၀၂၄ခုနှစ်၊ဩဂုတ်လ၊(၂၇)ရက်

ရှမ်းပြည်နယ်၊တောင်ကြီးမြို့ ၊ ဘုရင့်နောင်လမ်းမှာညသန်းခေါင် မီးလောင်မှုဖြစ်ပွားခဲ့တယ်လို့ မြန်မာနိုင်ငံမီးသတ်တပ်ဖွဲ့မှ သိရပါတယ်။

ဩဂုတ်လ(၂၇)ရက် ည(၁၂)နာရီ(၁၀)မိနစ်အချိန်၊ ရှမ်းပြည်နယ်၊ တောင်ကြီးခရိုင်၊ တောင်ကြီးမြို့၊ သစ်တောရပ်ကွက်၊ ဘုရင့်နောင်လမ်းမှာမီးလောင်မှုဖြစ်ပွားခဲ့တယ်လို့ဆိုပါတယ်။

အဲဒီ့မီးလောင်ကျွမ်းမှုကိုရှမ်းပြည်နယ်မီးသတ်ဦးစီးမှူးရုံးမှ မီးငြှိမ်းသတ်ယာဉ်(၂)စီး၊ အုပ်ချုပ်မှုယာဉ်(၁)စီး၊ တောင်ကြီးခရိုင်မီးသတ်စခန်းမှ မီးငြှိမ်းသတ်ယာဉ်(၂)စီး၊ တောင်ကြီးမြို့နယ်မီးသတ်စခန်းမှ မီးငြှိမ်းသတ်ယာဉ်(၄)စီး၊ မီးသတ်ရေသယ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များဖြင့် ထွက်ခွာငြှိမ်းသတ်ခဲ့ရာ ၀၀ ၃၀ အချိန်မီးငြိမ်းခဲ့တယ်လို့ သိရပါတယ်။