အောင်လအန်ဆန် ရုရှားဖိုက်တာရှာမေးလ်နှင့် ယှဉ်ပြိုင်မည်

၂၀၂၄သြဂုတ်လ(၇)ရက်

မြန်မာ့စပါးအုံးလို့ နာမည်ကျော်ကြားတဲ့ အောင်လအန်ဆန်နဲ့ ရုရှားဖိုက်တာ ရှာမေးလ်တို့စက်တင်ဘာလ (၉)ရက်မှာယှဉ်ပြိုင်ဖို့ရှိတယ်လို့ One Championshipရဲ့ ထုတ်ပြန်ချက်အရသိရပါတယ်။

အောင်လအန်ဆန်ဟာလာမယ့်စက်တင်ဘာလ ( ၉ ) ရက်မှာမစ်ဒယ်ဝိတ်ပွဲစဉ်အဖြစ် ရုရှားနိုင်ငံဖွား တူရကီဖိုက်တာ ရှာမေးလ်အာဒိုဂန်နဲ့ ထိုးသတ်ရမှာဖြစ်ပါတယ်။

အောင်လအန်ဆန်ကလည်း ‘’ One Championshipမှာဒီပြိုင်ပွဲပြိုင်ရမယ်လို့ ကြေညာတာကို အရမ်းစိတ် လှုပ်ရှားပါတယ်။ ဒါဟာ One Championshipမှာ ကျွန်တော်ရဲ့ (၂၀)ကြိမ်မြောက် ပြိုင်ပွဲလည်းဖြစ်ပြီး (၁၀) နှစ်မြောက်လည်းဖြစ်ပါတယ်။ပြင်ဆင်ချိန်တစ်လအတွင်းအကောင်းဆုံးပြင်ဆင်ပြီးယှဉ်ပြိုင်သွားမှာ ဖြစ်တယ်” လို့ရေးသားဖော်ပြထားပါတယ်။

ပြိုင်ဘက်တူရကီဖိုက်တာရှာမေးလ်အာဒိုဂန်ဟာအသက်( ၃၄ )နှစ်အရွယ်ရှိပြီဖြစ်ပြီးMMA recordတွေအရ ( ၉ ) ပွဲထိုးသတ်ထားပြီး ( ၉ ) ပွဲစလုံးကို အနိုင်ရရှိထားသူဖြစ်တယ်လို့ သိရပါတယ်။

အောင်လအန်ဆန်ဟာ  မြန်မာနိုင်ငံသား ကချင်လူမျိုး၊ အမေရိကန်နိုင်ငံသား ကိုယ်ခံပညာ သိုင်းပေါင်းစုံ တိုက်ခိုက်ရေးသမားတစ်ဦး၊အသက်(၃၉)နှစ် ၊ အရပ် ၆ ပေ ၁ လက်မနှင့် ခန္ဓာကိုယ် အလေးချိန် ၁၈၅ ပေါင်ရှိကာကိုယ်ခံပညာတွေအနေနဲ့ဘရာဇီးဂျူဂျစ်ဆု၊လက်ဝှေ့၊မွေထိုင်းတိုကိုအသုံးပြုပြီးOne Championshipရဲ့ပွဲတွေကိုယှဉ်ပြိုင်လေ့ရှိသလိုOneChampionshipချန်ပီယံဆုတွေကို ရရှိခဲ့ဖူးသူတစ်ဦးဖြစ် တယ်လို့ သိရပါတယ်။