ရန်ကုန်မြို့ စမ်းချောင်းတွင် အုတ်တံတိုင်းပြိုကျမှုကြောင့် ကား(၆)စီးပိမိ

27 July 2024‌

ရန်ကုန်မြို့၊စမ်းချောင်းမြို့နယ် ကျွန်းတောလမ်းရှိ ဘုန်းကြီးကျောင်းအုတ်တံတိုင်း သည်ရပ်ထားသည့်ကားခြောက်စီးပေါ်ပြိုကျမှုဖြစ်ပွားခဲ့ ကြောင်းမြန်မာနိုင်ငံမီးသတ်တပ်ဖွဲ့ကသတင်းထုတ်ပြန်သည်။

ဇူလိုင်လ (၂၇)ရက်ကရန်ကုန်တိုင်းဒေသကြီး၊ စမ်းချောင်းမြို့နယ်၊ ကျွန်းတောတောင်ရပ်ကွက်၊ မုန့်လုပ်ဆောင်းကုန်းတောင်ရပ်ကွက်၊ ကျွန်းတောလမ်း၊ ဘီးလင်းကျောင်းတိုက် အုတ်တံတိုင်းပြိုကျမှုဖြစ်ပွားခဲ့ ပြီးရပ်ထားသည့်ကားခြောက်စီးပေါ် ပြိုကျခဲ့ခြင်းဖြစ်သည်။အဆိုပါအုတ်တံတိုင်းပြိုကျမှုဖြစ်ပွားရာနေရာသို့စမ်းချောင်းမြို့နယ်မီးသတ်စခန်းမှ သန္ဓေမီးသတ်တပ်ဖွဲ့ဝင်များ သွားရောက်ပြီးကူညီရှင်းလင်းရေးလုပ်ငန်းများ ဆောင်ရွက်ပေးလျက်ရှိကြောင်းသိရသည်။‌

ရန်ကုန်တိုင်းတွင်ပြီးခဲ့သည့် နှစ်ရက်ကျော်မှစတင်ကာမိုးများဆက်တိုက်သည်းထန်နေသည့်အတွက် မြို့နယ်အချို့တွင် ရေကြီးရေလျှံဖြစ်နေခြင်း၊ သစ်ပင်များလဲပြို ခြင်း၊အုတ်တံ တိုင်းပြိုလဲခြင်းများဖြစ်ပွားနေကြောင်း သိရသည်။