အရှုံးဆိုတာ မသိဘူးဆိုပြီး ဘိုင်ယန်ရဲ့စံချိန်ကို အမီလိုက်ပြလိုက်တဲ့ အလွန်ဆိုရဲ့လေဗာကူဆင်

ဂျာမန်ဘွန်ဒက်စ်လီဂါမှာ ခြေစွမ်းပြနေတဲ့ လေဗာကူဆင်ကတော့ တစ်ကွက်ထပ်ပြလိုက်ပြန်ပါပြီ။ အဲ့ဒါကတော့ ပြိုင်ပွဲအရပ်ရပ်မှာ ၃၂ ပွဲဆက်တိုက် ရှုူံးပွဲမရှိအောင်ဖြတ်သန်းပြပြီး ဘိုင်ယန်မြူးနစ် တင်ရှိထားတဲ့စံချိန်ကို အမီလိုက်ပြလိုက်တာပါပဲ။

လေဗာကူဆင်ဟာ မနေ့တုန်းက ဟိုင်ဒင်ဟိမ်းကို နှစ်ဂိုး တစ်ဂိုးနဲ့ အနိုင်ကစားပြီး ပြိုင်ပွဲအရပ်ရပ်မှာ ၃၂ ပွဲဆက်တိုက် ရှုူံးပွဲမရှိတဲ့စံချိန်ကို ရယူပြလိုက်တာဖြစ်ပါတယ်။

ဘိုင်ယန်မြူးနစ်ဟာ ပြိုင်ပွဲအရပ်ရပ် ၃၂ ပွဲဆက်တိုက် ရှုံးပွဲမရှိခဲ့တဲ့စံချိန်ကို ၃၁ ပွဲနိုင်၊ ၁ ပွဲသရေ ရလဒ်နဲ့ တင်ရှိခဲ့တာဖြစ်ပြီး လေဗာကူဆင်ကတော့ ၂၈ ပွဲနိုင်၊ ၄ ပွဲသရေဆိုတဲ့ရလဒ်နဲ့ ၃၂ ပွဲဆက်တိုက် ရှုံးပွဲမရှိစံချိန်ကို ရယူသွားခဲ့တာပါ။

ရှေ့လာမယ့်ပွဲစဉ်ကိုသာ ရှုံးပွဲမရှိအောင် ကစားနိုင်ခဲ့ရင် ဘိုင်ယန်မြူးနစ်ရဲ့စံချိန်ကို လေဗာကူဆင်က ကျော်ဖြတ်နိုင်တော့မှာပဲဖြစ်ပါတယ်။ လေဗာကူဆင်ကို အခုလိုအနေအထားဆီ ရောက်လာအောင် ဆွဲတင်ပေးခဲ့တဲ့ နည်းပြ အလွန်ဆိုကို အသင်းကြီးတွေကလည်း ခေါ်ယူဖို့ စိတ်ဝင်စားနေပြီဖြစ်ပါတယ်။