ရန်ကုန်က ရခိုင်ဆိုင်တွေ၊ ကားတွေ၊ ဓာတ်တိုင်တွေမှာ ရခိုင်ဆိုင်တွေကို အားမပေးဖို့နဲ့ ရခိုင်ဆိုင်မှန်သမျှ မြို့ကထွက်သွားဖို့ စာတွေ လိုက်ကပ်နေ

ရန်ကုန်မြို့မှာလည်း ရခိုင်ဆိုင်တွေ၊ ကားတွေနဲ့ ဓာတ်တိုင်တွေမှာ ရခိုင်ဆိုင်တွေကို အားမပေးဖို့နဲ့ ရခိုင်ဆိုင်မှန်သမျှ မြို့ကထွက်သွားဖို့ စာတွေလိုက်ကပ်နေပြီဖြစ်ပါတယ်။

မင်းလမ်းမုန့်တီဆိုင်၊ ရမ္မာဝတီ(ရခိုင်သူ)မုန့်တီဆိုင်၊ မဟာနွယ် FOOD စင်တာ စတဲ့နေရာတွေမှာ စာတွေ လိုက်ကပ်ထားတာဖြစ်ပြီး ဓာတ်တိုင်တွေ၊ တက္ကဆီကားတွေမှာလည်း စာရွက်တွေ ကပ်ထားတာကို မြင်တွေ့ခဲ့ရပါတယ်။

“ရခိုင်ပြည်နယ်မှာ တိုင်းရင်းသားတွေ ရာနဲ့ချီပြီး မုဒိမ်းကျင့်သတ်ဖြတ်ခံနေရတာ၊ မင်းတို့က ရန်ကုန်မှာ စီးပွားရှာနေသေးတာ မရှက်ဘူးလား”၊ “ပြည်သူတွေအနေနဲ့ ရန်ကုန်မြို့ပေါ်က ရခိုင်စားသောက်ဆိုင်တွေနဲ့ အရောင်းဆိုင်တွေကို သွားရောက်ဝယ်ယူခြင်းမပြုရန် သတိပေးတားမြစ်လိုက်သည်”အစရှိတဲ့စာသားတွေကို ရေးသားထားတဲ့ စာရွက်တွေကို လိုက်ကပ်နေတာဖြစ်ပြီး မနေ့တုန်းက မန္တလေးမြို့က နေရာအတော်များများမှာ အခုလိုစာရွက်တွေကို လိုက်ကပ်ခဲ့ပါသေးတယ်။