၁၉၃၀ ပြည့်နှစ်နောက်ပိုင်း အဆိုးဆုံးစံချိန်ကို တန်ဟတ်ဂ်လက်ထက်မှာ ကြုံလိုက်ရတဲ့ မန်ယူ

ဒီဇင်ဘာ ၂၅

LONDON, ENGLAND – DECEMBER 23: Marcus Rashford of Manchester United looks dejected after Mohammed Kudus of West Ham United (not pictured) scores their team’s second goal during the Premier League match between West Ham United and Manchester United at London Stadium on December 23, 2023 in London, England. (Photo by Julian Finney/Getty Images)

မန်ယူဟာ ၁၉၃၀ ပြည့်နှစ်နောက်ပိုင်း အဆိုးဆုံးစံချိန်ကို နည်းပြ တန်ဟတ်ဂ် လက်ထက်မှာ ကြုံဆုံလိုက်ရပါပြီ။ ဒါကတော့ ခရစ္စမတ် မတိုင်ခင်မှာ ရှုံးပွဲအများဆုံးကြုံရတဲ့စံချိန်ပါပဲ။

မန်ယူဟာ ၁၉၃၀ ပြည့်နှစ်ကစလို့ ပြီးခဲ့တဲ့ ၂၀၂၂-၂၃ ဘောလုံးရာသီအထိ ခရစ္စမတ်နေ့ မရောက်ခင်မှာ ဘယ်တုန်းကမှ ရှုံးပွဲ ၈ ပွဲ မရှိခဲ့ပါဘူး။

လက်ရှိဘောလုံးရာသီမှာတော့ ဝက်စ်ဟမ်းကို နှစ်ဂိုး ဂိုးမရှိနဲ့ ရှုံးလိုက်ရတဲ့ပွဲအပြီးမှာ မန်ယူက ပရီးမီးယားလိဂ်ရှုံးပွဲ ၈ ပွဲအထိ ရှိသွားခဲ့ပါပြီ။

ဝက်စ်ဟမ်းကို ရှုံးနိမ့်ပြီးတဲ့နောက် မန်ယူက အမှတ်ပေးဇယားရဲ့အဆင့် ၈ နေရာအထိ ဆင်းပေးလိုက်ရသလို ဖိအားတွေလည်း တိုးသွားခဲ့ရပြီဖြစ်ပါတယ်။

ဘောက်ဆင်းဒေးနေ့ကိုရောက်ရင် မန်ယူက အက်စတွန်ဗီလာနဲ့ ကစားရဖို့ ရှိနေပြီး အဲ့ဒီပွဲစဉ်မှာပါ ရလဒ်ထပ်ဆိုးခဲ့ရင်တော့ နည်းပြ တန်ဟတ်ဂ်ရဲ့အနာဂတ်က အာမခံချက်ကင်းမဲ့သွားဖို့ သေချာသလောက်ရှိနေပြီပဲဖြစ်ပါတယ်။