Netflix ရဲ့ Documentary မှာ လူတိုင်းက ကမ္ဘာ့ဖလားကို လိုချင်တာပဲလို့ စီရော်နယ်ဒို ဝန်ခံထား

နယူးယောက်၊ ဒီဇင်ဘာ ၂၃
Netflix ဟာ လာမယ့် ဒီဇင်ဘာလ ၃၀ ရက်ကိုရောက်ရင် Captains of the World နာမည်နဲ့ Documentary တစ်ခုကို ထုတ်လွှင့်ပြသတော့မှာပဲဖြစ်ပါတယ်။

ဒီ Documentary ထဲမှာ ၂၀၂၂ ကမ္ဘာ့ဖလားတုန်းက လက်ရွေးစင်အသင်းတွေကို ဦးဆောင်ခဲ့တဲ့ အသင်းခေါင်းဆောင်တွေနဲ့ တွေ့ဆုံမေးမြန်းထားတာတွေ၊ ပရိသတ်တွေ မသိရှိသေးတဲ့ အဝတ်လဲခန်းထဲက အဖြစ်အပျက်တွေကို ရှုမြင်ခံစားခွင့် ရရှိလိမ့်မယ်လို့ Netflix က အသိပေးထားပါတယ်။

၂၀၂၂ ခုနှစ် ကမ္ဘာ့ဖလားတုန်းက လက်ရွေးစင်အသင်းတွေကို ဦးဆောင်ခဲ့တဲ့ စီရော်နယ်ဒို၊ မက်ဆီနဲ့ ဟယ်ရီကိန်းတို့လို ကစားသမားတွေ အပါအဝင် နာမည်ကြီးကစားသမားပေါင်းများစွာနဲ့ သီးသန့်တွေ့ဆုံထားတဲ့ အင်တာဗျူးပေါင်းများစွာကို ကြည့်ရှုရမှာဖြစ်တဲ့အပြင် အဝတ်လဲခန်းအတွင်း ဖြစ်ပျက်ခဲ့တဲ့ အကြောင်းအရာတွေကိုလည်း သိရှိခွင့်ရကြလိမ့်မယ်လို့ Netflix က အသိပေးထားပါတယ်။

စီရော်နယ်ဒိုဟာ ဒီ Documentary ထဲမှာ လူတိုင်းက ကမ္ဘာ့ဖလားကို လိုချင်ကြပါတယ်လို့ ထုတ်ဖော်ဝန်ခံထားပြီး ဒီစကားအရ စီရော်နယ်ဒိုဟာလည်း အခွင့်ရမယ်ဆိုရင် ကမ္ဘာ့ဖလားချန်ပီယံဖြစ်ချင်စိတ် ရှိခဲ့တာ သေချာတယ်လို့ သတင်းတွေ ရေးသားဖော်ပြနေပြီပဲဖြစ်ပါတယ်။