တကယ့်ပွဲကြီးပွဲကောင်းတွေမှာ ဒီမိန်းကလေးရှိနေရင် စီရော်နယ်ဒို ကံဆိုးတတ်လေသလား

———————-

ဒီမိန်းကလေးရဲ့နာမည်ကို မသိရှိရပေမယ့် ဘောလုံးပရိသတ်တွေကတော့ သူမကို မော်ရိုကိုမင်းသမီးလေးလို့ ခေါ်ကြပါတယ်။

ထူးခြားချက်က အခုနောက်ပိုင်း စီရော်နယ်ဒို ကစားရတဲ့ ပွဲကြီးပွဲကောင်းတွေဆီ သူမက ရောက်လာတတ်လေ့ရှိပြီး အဲ့ဒီပွဲစဉ်တွေမှာဆိုရင် စီရော်နယ်ဒိုက ကံဆိုးရလေ့ရှိပါတယ်။

၂၀၂၂ ကမ္ဘာ့ဖလားတုန်းက မော်ရိုကိုနဲ့ ပေါ်တူဂီတို့ ယှဉ်ပြိုင်တဲ့ပွဲဆီ သူမက ရောက်လာခဲ့ပြီး သူမရဲ့မိခင်နိုင်ငံ မော်ရိုကို,ကို အားပေးခဲ့ပါတယ်။

ပွဲပြီးတော့ မော်ရိုကိုက ပေါ်တူဂီကို အနိုင်ရသွားခဲ့ပြီး ပွဲအပြီးမှာ သူမကနေ စီရော်နယ်ဒိုကို လှောင်ပြောင်လိုက်တဲ့ ဗီဒီယိုကြောင့် သူမကို လူသိများသွားခဲ့တာပါ။

မနေ့တုန်းကလည်း အယ်လ်ဟီလယ်လ်နဲ့ အယ်လ်နတ်စ်ဆာ တို့က ဒါဘီပွဲ ယှဉ်ပြိုင်ခဲ့ရပါတယ်။ အဲ့ဒီပွဲစဉ်မှာလည်း စီရော်နယ်ဒို ဦးဆောင်တဲ့ အယ်လ်နတ်စ်ဆာကို အယ်လ်ဟီလယ်လ်က သုံးဂိုး ဂိုးမရှိနဲ့ နိုင်သွားခဲ့ပါတယ်။

ပွဲကြည့်စင်ထက်ကို ကြည့်လိုက်ချိန်မှာ မော်ရိုကိုနတ်သမီးလေးက အယ်လ်ဟီလယ်လ်ဂျာစီလေးကို ဝတ်ဆင်ပြီး ပွဲကြည့်လို့နေပါတယ်။ YouTube ဗီဒီယိုတွေမှာတော့ သူမကို အယ်လ်နတ်စ်ဆာဂျာစီ ဝတ်ဆင်ပြီး မြင်တွေ့ရတာတွေလည်း ရှိပါတယ်။

လတ်တလောမှာတော့ မော်ရိုကိုနတ်သမီးလေးက အယ်လ်ဟီလယ်လ်ကို ပွဲကြည့်စင်ထက်ကနေ လာရောက်အားပေးတဲ့ပွဲမှာ စီရော်နယ်ဒိုက ခြေစွမ်းမပြနိုင်၊ ဂိုးပေါက်ရှာမတွေ့တဲ့အပြင် ဂိုးပြတ်ရှုံးသွားခဲ့သလို သု့အသင်းအယ်လ်နတ်စ်ဆာဟာလည်း ဒါဘီပြိုင်ဘက် အယ်လ်ဟီလယ်လ်ရဲ့ ၇ မှတ်ဖြတ်ခြင်းကို ခံလိုက်ရပြီဖြစ်ပါတယ်။

မော်ရိုကိုကလေးမလေး ဟာ စီရော်နယ်ဒိုကို အိပ်မက်ဆိုးပေးတဲ့သူ ဖြစ်လာခဲ့လေပြီလား။