မက်ဆီအစွမ်းနဲ့ ၂၀၂၄ ခုနှစ်အတွက် လက်မှတ်တွေရောင်းကုန်သွားပြီဖြစ်တဲ့ အင်တာ မိုင်ယာမီ

——————————

ဒီဇင်ဘာ ၁

အမေရိကန်မေဂျာလိဂ်ကလပ် အင်တာ မိုင်ယာမီအသင်းဟာ ၂၀၂၄ ခုနှစ်မှာကစားမယ့် ပွဲစဉ်တွေအတွက် ထိုင်ခုံလက်မှတ်အားလုံး ရောင်းချပြီးသွားပြီဖြစ်လို့ တရားဝင်ထုတ်ပြန်ကြေညာသွားခဲ့ပါတယ်။

ဒါဟာ ဘလွန်းဒီအော်ဆုကို ၈ ကြိမ်အထိ ရရှိထားတဲ့ မက်ဆီရဲ့ သက်ရောက်မှုတွေဖြစ်ပြီး ၂၀၂၃ ခုနှစ်အတွင်းမှာလည်း မက်ဆီပါဝင်ကစားခဲ့တဲ့ပွဲတွေတိုင်းမှာ အမေရိကန်ပြည်ထောင်စုမှာနေထိုင်တဲ့ နာမည်ကျော်တွေ လာရောက်အားပေးခဲ့ကြတာ မြင်တွေ့ခဲ့ရပါတယ်။

အသက် ၃၆ နှစ်အရွယ်ရှိပြီဖြစ်တဲ့ မက်ဆီဟာ ၂၀၂၃ ခုနှစ်အတွင်းမှာ အင်တာ မိုင်ယာမီအသင်းသမိုင်းမှာ ပထမဆုံးဆုဖလားအဖြစ် လိဂ်ဖလားကိုရယူပေးနိုင်ခဲ့ပြီး ပြိုင်ပွဲတစ်လျှောက်မှာ ၇ ပွဲကစားကာ ၁၀ ဂိုးအထိသွင်းပေးနိုင်ခဲ့သလို အသင်းကို US Open ဗိုလ်လုပွဲအထိလည်း ပို့ဆောင်ပေးနိုင်ခဲ့သူဖြစ်ပါတယ်။

အချက်အလက်မှတ်တမ်းတွေအရ အင်တာမိုင်ယာမီအသင်းကို မက်ဆီရောက်ရှိလာပြီးနောက်မှာ အမေရိကန်ပြည်ထောင်စုတစ်ဝန်း ဘောလုံးပွဲကြည့်ရှုသူဦးရေဟာ သိသိသာသာတိုးတက်လာခဲ့တယ်လို့ သိရှိရပါတယ်။

See translation