“ရိုးသားကြိုးစား ပန်းသည် လာပြီ”နာမည်နဲ့ ပန်းဆိုင် ထွက်တော့မယ့် လူကြမ်းသရုပ်ဆောင် ကိုဖြူဖွေးစိန်

“ရိုးသားကြိုးစား ပန်းသည် လာပြီ”ဆိုတဲ့နာမည်နဲ့ မနက်ဖြန်က စလို့ တွန်းလှည်းလေးနဲ့ ပန်းဆိုင် စထွက်တော့မယ့် လူကြမ်းသရုပ်ဆောင် ကိုဖြူဖွေးစိန်
—————–
လူကြမ်းသရုပ်ဆောင် ကိုဖြူဖွေးစိန် ဟာ မနက်ဖြန်ကစလို့ ဘဝသစ်တစ်ခုကို အစပြုပါတော့မယ်။ အခက်အခဲတွေ ကြုံနေရတဲ့ ကိုဖြူဖွေးစိန်ရဲ့ ရိုးသားမှုကို စာနာစိတ်ဖြစ်ပေါ်ပြီး ဒေါက်တာ လှဝင်းအောင်က အလှူငွေတွေ ပေးခဲ့သလို ကိုဖြူဖွေးစိန်ကလည်း အဲ့ဒီအလှူငွေတွေကို အရင်းအနှီးပြုလို့ ပန်းဆိုင်လေးတစ်ခုကို စတင်လိုက်တာပဲဖြစ်ပါတယ်။ လောကဓံရဲ့ဇာတ်ခုံထက်ဆီက မနက်ဖြန်ကစလို့ လူကြမ်းသရုပ်ဆောင် ကိုဖြူဖွေးစိန်က ပန်းသည် ကိုဖြူဖွေးစိန်အဖြစ် ပွဲထွက်လာတော့မှာပဲဖြစ်ပါတယ်။ ရုပ်ရှင်သမားဖြစ်လို့ အလှကြိုက်တာကြောင့် ပန်းရောင်းမယ့်တွန်းလှည်းလေးကို အနုပညာသက်ဝင်မှုတွေနဲ့ ဖန်တီးနေလို့ မနက်ဖြန်မှ စရောင်းနိုင်ဖို့ ဖြစ်သွားတာလို့ ကိုဖြူဖွေးစိန်က ရယ်ရယ်မောမောနဲ့ ပြောပြပါတယ်။ အနုပညာသမား ရောင်းတဲ့ ပန်းသည်တွန်းလှည်းလေးဖြစ်လို့ ပရိသတ်တွေ အားပေးကြပါလို့လည်း ကိုဖြူဖွေးစိန်က ဖိတ်ခေါ်သွားခဲ့ပါတယ်။ သူ့ရဲ့ပန်းဆိုင်လေးကို “ရိုးသားကြိုးစား ပန်းသည် လာပြီ”ဆိုတဲ့ ဆိုင်းဘုတ်လေး တွန်းလှည်းမှာတပ်ဆင်ပြီး ရောင်းချသွားမှာဖြစ်တယ်လို့လည်း ကိုဖြူဖွေးစိန်က အသိပေးခဲ့ပါတယ်။ “ရိုးစားကြိုးစား ပန်းသည် လာပြီ”နာမည်နဲ့ မနက်ဖြန်ကစလို့ ဈေးထွက်လာတော့မယ့် လူကြမ်းသရုပ်ဆောင် ကိုဖြူဖွေးစိန်ရဲ့ပန်းဆိုင်အကြောင်းလေးကို Mercury Variety ပရိသတ်တွေအတွက် တင်ဆက်ပေးလိုက်ပါတယ်။
#MercuryVariety #MV #MercuryExclusiveInterview #MercuryCelebrityInterview #ExclusiveInterview #CelebrityInterview #MercuryLifeStory #MercuryLifeProgramme #LifeStory #PhyuPhweSein #‌ဖြူဖွေးစိန် #ပန်းဆိုင် #တွန်းလှည်း #ရိုးသားကြိုးစား #လူကြမ်းသရုပ်ဆောင် #ရိုးသားမှု #စာနာစိတ် #အလှူငွေ #ပန်းသည် #Yangon #Myanmar