၁၀ နှစ်ကြာပြသမယ့် ဟယ်ရီပေါ်တာဇာတ်လမ်းတွဲ လာပြီ၊ စာအုပ်အတိုင်း အပြည့်အစုံ ရိုက်ကူးမယ်

ဟယ်ရီပေါ်တာချစ်သူတွေဟာ ဟယ်ရီပေါ်တာကို ဇာတ်လမ်းတွဲအဖြစ် ကြည့်ရှုခံစားခွင့် ရရှိပါတော့မယ်။ စာရေးဆရာမ ဂျေကေရိုးလင်းရေးသားတဲ့ ဟယ်ရီပေါ်တာဝတ္ထုကို ရုပ်ရှင်ကားတွေ ပြန်လည်ရိုက်ကူးခဲ့ပေမယ့် ပြီးပြည့်စုံတယ်လို့ မခံစားရတာကြောင့် Warner Bros က ဇာတ်လမ်းတွဲအဖြစ် အသစ်တစ်ဖန် ပုံစံပြောင်းလိုက်တာပါ။

ဟယ်ရီပေါ်တာဇာတ်လမ်းတွဲဟာ Warner Bros ရဲ့အကြီးမားဆုံးသောရင်းနှီးမြှုပ်နှံမှု ဖြစ်လာတော့မှာဖြစ်ပြီး ဇာတ်လမ်းတွဲပြသချိန်ပမာဏက ၁၀ နှစ်တာ ကြာမြင့်မယ်လို့ သိရှိရပါတယ်။

ဇာတ်လမ်းတွဲဟာ Season ၇ ခု ပါရှိမှာဖြစ်ပြီး ဟယ်ရီပေါ်တာဝတ္ထုကို ဖတ်ရှုခံစားခဲ့သူတွေအတွက် ဝတ္ထုမှာပါရှိတဲ့ ဇာတ်လမ်းဇာတ်ကွက်အားလုံးကို ပြည့်ပြည့်စုံစုံနဲ့ စိတ်ကျေနပ်စရာခံစားရအောင် ဖန်တီးထားတယ်လို့ ဆိုပါတယ်။

စာအုပ် ၁ အုပ်ချင်းစီလိုက်အတွက် Season တစ်ခုချင်းစီ ဖန်တီးသွားမှာဖြစ်ပြီး ဝတ္ထုကျောရိုးအတိုင်း အပြည့်အစုံရိုက်ကူးမှာဖြစ်လို့ ရိုက်ကူးချိန်ကာလကလည်း ကြာမြင့်မှာဖြစ်တယ်လို့ သိရှိရပါတယ်။ ဟယ်ရီပေါ်တာဇာတ်လမ်းတွဲကို HBOMax ရုပ်သံလိုင်းကနေ ထုတ်လွှင့်ပြသပေးသွားမှာဖြစ်ပါတယ်။