အွန်လိုင်းကနေကျောင်းဝင်ကြေး၊ကျောင်းလခများစတင်ပေးသွင်းနိုင်ပြီ

————————————————————————————

၂၀၂၅ခုနှစ်၊မတ်လ၊(၁၇)ရက်

တက္ကသိုလ်ကျောင်းသားတွေအနေနဲ့Online Payment ၊ Mobile Wallet တို့ဖြင့် အွန်လိုင်းကနေ ကျောင်းဝင်ကြေး၊ ကျောင်းလခတွေ လာမယ့်မတ်လ(၁၇) ရက်ကစတင်ပေးသွင်းနိုင်ပြီဖြစ်တယ်လို့ ပညာရေးဝန်ကြီးဌာနမှသိရပါတယ်။

ပညာရေးဝန်ကြီးဌာန၊မြန်မာနိုင်ငံတော်ဗဟိုဘဏ်နဲ့ ဘဏ်အဖွဲ့အစည်းတွေရဲ့ ချိတ်ဆက်အောင်မြင်ခဲ့ကြောင်း ၊တက္ကသိုလ်ကျောင်းသားများ ငွေသားဖြင့် ကျောင်းဝင်ကြေး၊ ကျောင်းလခပေးသွင်းခြင်းအစား ဒစ်ဂျစ်တယ်ငွေကြေး (Digital Currency) သုံးစွဲခြင်းအလေ့အကျင့်ကို ပြောင်းလဲကျင့်သုံးနိုင်ကြောင်းနဲ့

မြန်မာနိုင်ငံတော်ဗဟိုဘဏ်ရဲ့MMQR စနစ်မှာ ချိတ်ဆက်ထားတဲ့ ဘဏ်အဖွဲ့အစည်းတွေနဲ့ အွန်လိုင်းငွေပေးချေခြင်းကို မတ် ၁၇ ရက် (တနင်္လာနေ့)မှစတင်ပြီး ပညာရေးဝန်ကြီးဌာနရှိ တက္ကသိုလ်များတွင် စတင်ကျင့်သုံးမည်ဖြစ်တယ်လို့ ပညာ‌ရေး ဝန်ကြီးဌာန၊ဒုတိယဝန်ကြီးက ပြောကြားထားပါတယ်။

မြန်မာနိုင်ငံတော် ဗဟိုဘဏ်ဒုတိယဥက္ကဋ္ဌ (၁)ကလည်း ၂၀၂၅ ခုနှစ် ဖေဖော်ဝါရီ ၂၇ ရက်မှာ စတင်အသုံးပြုနိုင်ပြီဖြစ်သော MMQR စနစ်ကို ဝန်ကြီးဌာနတွေအနက် ပညာရေးဝန်ကြီးဌာနက ပထမဦးဆုံး စတင်အသုံးပြုခြင်းဖြစ်သဖြင့် သမိုင်းမှတ်တိုင်တစ်ခု ဖြစ်ကြောင်း၊ Mobile Pay User ၉၀ ရာခိုင်နှုန်းကျော်အထိ လွှမ်းခြုံနိုင်မှာဖြစ်တယ်လို့ သိရပါတယ်။

ဓါတ်ပုံ-မူရင်းပိုင်ရှင်ကို Creditပေးပါသည်။

#Mercury#mercurynews#ပြည်တွင်းသတင်း#တက္ကသိုလ်#ပညာရေး#onlinepayments#ကျောင်းလခ#yangonMyanmar