အာဂျင်တီးနား တစ်နှစ်တာအကောင်းဆုံးအားကစားသမားဆုကို အကြိမ်အရေအတွက် အများဆုံးရတဲ့စံချိန် စိုက်ထူလိုက်တဲ့ မက်ဆီ

အာဂျင်တီးနားလက်ရွေးစင်အသင်းခေါင်းဆောင် မက်ဆီဟာ အာဂျင်တီးနားတစ်နှစ်တာအကောင်းဆုံးအားကစားသမားဆု Olimpia Award ဆုကို အကြိမ်အရေအတွက် အများဆုံးရရှိသူအဖြစ် စံချိန်တင်လိုက်နိုင်ပြီလို့ သိရပါတယ်။

မက်ဆီဟာ ၂၀၂၃ ခုနှစ် စွမ်းဆောင်ရည်အတွက် ပေးအပ်ချီးမြှင့်တဲ့ တစ်နှစ်တာအကောင်းဆုံးအားကစားသမားဆုကို ရရှိသွားခဲ့တာပါ။

Olimpia Award ဆုကို Premios Olimpia ဆုလို့လည်း ခေါ်ဝေါ်ကြပြီး ဒီဆုက အာဂျင်တီးနားအားကစားသမားတွေထဲကနေ တစ်နှစ်တာစွမ်းဆောင်ရည်အကောင်းဆုံး အားကစားသမားကို အားကစားကလောင်ရှင်များ အစည်းအရုံးကနေ ရွေးချယ်ပေးအပ်တဲ့ဆု ဖြစ်ပါတယ်။

အားကစားနည်းပေါင်း ၄၁ ခုက အကောင်းဆုံးစွမ်းဆောင်ရှင်တွေကို စုစည်းပြီး ဆန်ခါတင်စာရင်းရွေးချယ်ကာ အဲ့ဒီအထဲက စွမ်းဆောင်ရည်အကောင်းဆုံးသူကို Olimpia Award ဆု ဂုဏ်ပြုချီးမြှင့်လိုက်တာဖြစ်ပါတယ်။

မက်ဆီဟာ Olimpia Award ဆုကို ငစားသမားဘဝဖြတ်သန်းမှုတလျှောက် ၄ ကြိမ်မြောက် ရရှိတာဖြစ်ပြီး အကြိမ်အရေအတွက် အများဆုံးရရှိသူ ကစားသမားအဖြစ် စံချိန်တင်လိုက်နိုင်တာဖြစ်ပါတယ်။