အလှူပေးတဲ့ငွေတွေထဲက အလိမ်ခံရလို့ တချို့တဝက် ဆုံးရှုံးသွားခဲ့တဲ့ ဇာနည်မောင်တို့ မိသားစု

အလှူပေးတဲ့ငွေတွေထဲက သီချင်းထုတ်ပေးမယ်ဆိုလို့ စတူဒီယိုကြေး ၃ သိန်း ပေးလိုက်ရသလို ဆိုင်ကယ်,ကယ်ရီဝယ်တော့ ထပ်အလိမ်ခံလိုက်ရပြီး ဖုန်းတွေလည်း ခါးပိုက်နှိုက်ခံလိုက်ရတဲ့ သရုပ်ဆောင် ဇာနည်မောင်
———————-
ပလုံကောက်တဲ့ဘဝကနေ လူဝင်စာလို့ ထင်ခံရတဲ့ သမီးငယ်လေးရဲ့ဖခင်ဘဝရောက်လာခဲ့သူ သရုပ်ဆောင် ဇာနည်မောင် ကို အားလုံးသိနေလောက်ပြီးဖြစ်မှာပါ။ ကိုဇာနည်မောင်တို့မိသားစုဟာ သမီးလေး မမွေးခင်မှာပဲ အလှူရှင်တွေဆီကနေ အလှူငွေတွေ ရရှိခဲ့ပါတယ်။ ဒါပေမဲ့ အခုတော့ အလှူငွေထဲက တချို့တဝက်ဟာ လူလိမ်တွေရဲ့လက်ထဲကို ပါသွားခဲ့ပါပြီ။ အလှူရတဲ့ငွေတွေထဲက သီချင်းထုတ်ပေးမယ်လို့ လာပြောသူကို စတူဒီယိုကြေး ၃ သိန်းပေးလိုက်ပြီး ဖုန်းပျောက်သွားတာကြောင့် အဆက်အသွယ်လုပ်လို့ မရတော့ဘူးလို့ ကိုဇာနည်မောင်က ပြောပြပါတယ်၊ နောက်တစ်ယောက်ကတော့ ဆိုင်ကယ်ဘေးတွဲရောင်းပေးမယ်ဆိုပြီး ကိုဇာနည်မောင်ဆီကနေ စရံငွေတွေယူကာ အဲ့ဒီစရံငွေကို လိမ်လည်သွားခဲ့တာပါ။ ဖုန်းတစ်လုံးက ခါးပိုက်နှိုက်ခံလိုက်ရသလို နောက်ထပ် ဖုန်းတစ်လုံးလည်း ဘယ်သူယူသွားမှန်း မသိရဘဲ ပျောက်သွားခဲ့တယ်လို့ ကိုဇာနည်မောင်က အသိပေးပါတယ်။ အခုတော့ သူ့မှာ ဆိုင်ကယ်ဘေးတွဲလေးတစ်စီးပဲ အဖတ်တင်ခဲ့ပြီး အဲ့ဒါလေးကိုမောင်းလို့ရတဲ့ငွေက မိသားစုရပ်တည်ဖို့အတွက်တော့ အဆင်ပြေပါတယ်လို့ ကိုဇာနည်မောင်က ပြောပြခဲ့ပါတယ်။ နာဂစ်မှာ အသက်ဆုံးရှုံးခဲ့သူ ပြန်ဝင်စားတယ်လို့ယူဆထားတဲ့ ကိုဇာနည်မောင်ရဲ့ကလေးငယ်လေးကို ရပ်ကွက်ထဲကလူတွေက သိုက်ကလာတဲ့သူဖြစ်မယ်လို့ ယူဆထားပြီး သူ့အတွက် အလှူကြီး မလုပ်ပေးလို့ ပေးထားတာကို ပြန်သိမ်းလိုက်တာဖြစ်နိုင်ကြောင်း ပြောပြကြတယ်လို့ ကိုဇာနည်မောင်က ရင်ဖွင့်ပါတယ်။ အလှူပေးတဲ့ငွေတွေထဲက သီချင်းထုတ်ပေးမယ်ဆိုလို့ စတူဒီယိုကြေး ၃ သိန်း ပေးလိုက်ရသလို ဆိုင်ကယ်,ကယ်ရီဝယ်တော့ ထပ်အလိမ်ခံလိုက်ရပြီး ဖုန်းတွေလည်း ခါးပိုက်နှိုက်ခံလိုက်ရတဲ့ သရုပ်ဆောင် ဇာနည်မောင်ရဲ့လက်ရှိဘဝအခြေအနေကို Mercury Variety ပရိသတ်တွေအတွက် တင်ဆက်ဖော်ပြပေးလိုက်ပါတယ်။ #MercuryVariety #MV #MercuryExclusiveInterview #ExclusiveInterview #MercuryLifeStory #LifeStory #ZarNiMaung #ဇာနည်မောင် #နာဂစ် #Nagis #လူဝင်စား #စရံငွေ #မိသားစု #Family #လူဝင်စား #အလိမ်ခံရ #ဆိုင်ကယ်ကယ်ရီ #Yangon #Myanmar