အမှိုက်လှည်းကို ဘေးတွဲဆိုင်ကယ်က ဝင်တိုက်လို့ လူ ၃ ဦး ထိခိုက်ဒဏ်ရာရ

အမှိုက်လှည်းကို ဘေးတွဲဆိုင်ကယ်ကနေပြီး ဝင်တိုက်ခဲ့လို့ လူ ၃ ယောက် ထိခိုက်ဒဏ်ရာရရှိသွားတဲ့ဖြစ်စဥ်တစ်ခု ဒီဇင်ဘာလ ၁၆ ရက်၊ ညနေ (၄)နာရီခွဲအချိန်လောက်က သင်္ဃန်းကျွန်းမြို့နယ်မှာ ဖြစ်ပွားသွားခဲ့ပါတယ်။

ရန်ကုန်တိုင်းဒေသကြီး၊ သင်္ဃန်းကျွန်းမြို့နယ်၊ ကြီးပွားရေးရပ်ကွက်၊ ကားလေးဂိတ်ဟောင်း၊ (ပြည်ထောင်စုပန်းခြံ) ရှေ့၊ သံသုမာလမ်းမကြီးပေါ်မှာ အခုဖြစ်စဉ် ဖြစ်ပွားသွားခဲ့တာဖြစ်တယ်လို့ သုဝဏ္ဏပရဟိတအသင်းက အသိပေးပါတယ်။

ထိခိုက်ဒဏ်ရာရရှိသွားတဲ့ အမျိုးသား ၂ ယောက်နဲ့ အမျိုးသမီး ၁ ယောက်တို့ကို လိုအပ်တဲ့ မြေပြင်ဆေးကုသမှုတွေ ဆောင်ရွက်ပေးပြီးတဲ့နောက် သင်္ဃန်းကျွန်းပြည်သူ့ဆေးရုံကြီးဆီကို သုဝဏ္ဏပရဟိတအသင်းက (အခမဲ့) ဆက်လက်ကူညီပို့ဆောင်ပေးလိုက်တယ်လို့ ဆိုပါတယ်။