အမေရိကန် အိမ်ဖြူတော်မှ တရားဝင်ထုတ်ပြန်ထားတဲ့ သမ္မသစ်ထရန့်မိန့်ခွန်းအကျဉ်းချုပ် (ဘာသာပြန်)

• အမေရိကန်သမ္မတဒေါ်နယ်ထရမ့်ဟာ အမေရိကန်ပြည်ထောင်စုရဲ့ နယ်စပ်လုံခြုံရေးနဲ့ အသိုင်းအဝန်းကို ကာကွယ်ဖို့ ရဲရဲဝင့်ဝင့်အရေးယူဆောင်ရွက်သွားမှာဖြစ်ပါတယ်။
• သမ္မတထရမ့် အစိုးရလက်ထက်မှာ ဘိုင်ဒန်အစိုးရလက်ထက်က လွတ်မြောက်ရေးမှုဝါဒတွေကို အဆုံးသတ်စေမှာဖြစ်ပြီး မက္ကဆီကိုမှာကျန်နေတဲ့သူတွေကို ပြန်လည်ခေါ်ဆောင်ခြင်း၊နယ်စပ်တံတိုင်းကို တည်ဆောက်ခြင်း၊တရားမဝင်နယ်စပ်ကျော်ဖြတ်လာသူများကိုခိုလှုံခွင့်ရုပ်သိမ်းခြင်း၊ရာဇဝတ်မှုကျူးလွန်သူတွေကို နိုမ်နင်းခြင်းနဲ့  တရားမဝင်နယ်စပ်ကျော်ဖြတ်လာသူများကို အရှိန်မြင့်စစ်ဆေးခြင်း စတာတွေကို လုပ်ဆောင်သွားမှာဖြစ်ပါတယ်။
• သမ္မတထရမ့်ရဲ့ နေရပ်ပြန်ပို့ရေးဆောင်ရွက်ချက်ဟာ အရင်အစိုးရလက်ထက်က ရာဇဝတ်မှုကျုးလွန်ထားတဲ့ ခိုးဝင်တွေရဲ့  စံချိန်တင်နယ်စပ်ဖြတ်ကျော်မှု မှတ်တမ်းတွေကို အဓိကကိုင်တွယ်ဖြေရှင်းသွားဖို့ ဖြစ်ပါတယ်။
• ရွှေ့ပြောင်းအခြေချနေထိုင်သူများရဲ့ ကြီးမားပြီးရေရှည်မှာ ပိုဆိုးလာနိုင်တဲ့ လူဦးရေ ထူထပ်သိပ်သည်းမှုဟာ ဒေသလုံခြုံရေးနဲ့ အရင်းအမြစ်တွေကို ကျပ်တည်းသွားစေခဲ့တာကြောင့် သမ္မတအနေနဲ့ လက်ရှိမှာ ရွှေ့ပြောင်းဒုက္ခသည်များ ပြန်လည်နေရာချထားမှုကို ဆိုင်းငံ့ထားမှာဖြစ်ပါတယ်။
• နိုင်ငံတော်အဆင့်တပ်ဖွဲ့တွေပါဝင်တဲ့ လက်နက်ကိုင်တပ်ဖွဲ့တွေက နယ်စပ်လုံခြုံရေးကို ဆောင်ရွက်သွားမှာဖြစ်ပြီး တည်ဆဲဥပဒေစိုးမိုးရေးဝန်ထမ်းများကို ကူညီပေးနိုင်ရန်အတွက် နယ်စပ်မှာ တပ်ဖြန့်ထားမှာဖြစ်ပါတယ်။
• သမ္မတထရမ့်ဟာ နိုင်ငံတကာအကြမ်းဖက်အဖွဲ့အစည်းများဖြစ်လာနိုင်တဲ့ Tren de Araguaအပါအဝင် ဂိုဏ်းအားလုံးကိုစုစည်းပြီး ဖယ်ရှားနိုင်ဖို့ Alien Enemies Actကို အသုံးပြုသွားမှာဖြစ်ပါတယ်။
• တရားရေးဌာနအနေနဲ့ တရားဥပဒေ စိုးမိုးရေး အရာရှိတွေကို သတ်ပစ်သူတွေ နဲ့ တရားမ၀င် ရွှေ့ပြောင်းနေထိုင်သူတွေ အပါအဝင် အမေရိကန်နိုင်ငံသားတွေကို လုပ်ကြံသတ်ဖြတ်တဲ့ သူတွေလို လူသားမျိုးနွယ်အပေါ် ပြင်းထန်တဲ့ ရာဇဝတ်မှုတွေအတွက် သင့်လျော်သော ပြစ်ဒဏ်အဖြစ် သေဒဏ်ကိုချမှတ်ဖို့ ရှာဖွေရမှာဖြစ်ပါတယ်။
• ………………………………………………………………..
• သမ္မတထရမ့်အနေနဲ့ သမ္မတဟောင်းဘိုင်ဒန်ရဲ့  ရာသီဉတုအစွန်းရောက်ဝါဒကို အဆုံးသတ်စေမှာဖြစ်ပြီး စွမ်းအင်ထုတ်လုပ်မှုနှင့် အသုံးပြုမှုအပေါ် မလျော်ကန်တဲ့ ဝန်ထုပ်ဝန်ပိုးဖြစ်စေတဲ့ စည်းမျဉ်းတွေကို ပြန်လည်သုံးသပ်ပြီး ခွင့်ပြုချက်ပေးကာ စွမ်းအင်ကို ထုတ်လွှတ်သွားမှာဖြစ်ပါတယ်။
• သမ္မတထရမ့်ဆောင်ရွက်မယ့် စွမ်းအင်လုပ်ဆောင်ချက်တွေဟာ ယာဉ်များ၊ ရေပိုက်ခေါင်းများ၊ အိမ်သာများ၊ အဝတ်လျှော်စက်၊ မီးသီးများနှင့် ပန်းကန်ဆေးစက်များမှာ အသုံးပြုသူတွေရဲ့ ရွေးချယ်မှုတွေကို ပိုမိုအားကောင်းလာစေမှာဖြစ်ပါတယ်။
• သမ္မတထရမ့်ဟာ စွမ်းအင်အရေးပေါ်အခြေအနေကြေညာပြီး အရေးကြီးတဲ့ အခြေခံအဆောက်အဦးများတည်ဆောက်ရာမှာ လိုအပ်သောအရင်းအမြစ်အားလုံးကို အသုံးပြုမှာ ဖြစ်ပါတယ်။
• သမ္မတထရမ့်ရဲ့ စွမ်းအင်မှုဝါဒတွေဟာ ကျွန်ုပ်တို့ရဲ့ သဘာဝကို ပျက်စီးစေပြီး အမေရိကန်စွမ်းအင်သုံးစွဲသူတွေကို ဝန်ဆောင်မှုကောင်းကောင်းပေးဖို့မဖြစ်နိုင်တဲ့  ဧရာမလေရဟတ်ခြံများကို ငှားရမ်းခြင်းအား အဆုံးသတ်စေမှာ ဖြစ်ပါတယ်။
• သမ္မတထရမ့်ဟာ  ပါရီရာသီဥတုသဘောတူညီချက်ကနေလည်း နုတ်ထွက်သွားမှာဖြစ်ပါတယ်။
• အေဂျင်စီအားလုံးဟာ လူနေမှုစရိတ်ကို လျှော့ချဖို့အတွက် အရေးပေါ်အစီအမံတွေ ဆောင်ရွက်ရမှာဖြစ်ပါတယ်။
• သမ္မတထရမ့်ဟာ America First Trade Policy ကို ကြေညာသွားမှာဖြစ်ပါတယ်။
• အမေရိကန်အနေနဲ့အမျိုးသားအခွန်မူဝါဒအရအမေရိကန်စီးပွားရေးလုပ်ငန်းတွေကိုထိခိုက်စေတဲ့ နိုင်ငံခြားအဖွဲ့အစည်းများကို အသိအမှတ်ပြုတော့မှာ မဟုတ်ပါဘူး။
• ……………………………………………………………………………………………….

• သမ္မတကြီးအနေနဲ့ အမေရိကန်ပြည်သူများအတွက် အစိုးရဗျူရိုကရေစီကို ပြုပြင်ပြောင်းလဲပြီး ကောင်းမွန်အောင်လုပ်ဆောင်ခြင်းဖြင့် အမေရိကန် ပြည်သူများအတွက် ရွှေခတ်ကို ဆောင်ကြဉ်းပေးမှာဖြစ်ပါတယ်။အသုံးမဝင်ဘဲ ငွေပိုပေးရတဲ့ DEI တက်ကြွလှုပ်ရှားသူတွေကို ဖက်ဒရယ်လုပ်သားအင်အားစုထဲမှာ ပါဝင်ခိုင်းနေရတာလို နိုင်ငံနစ်နာတဲ့ အရာကို အဆုံးသတ်မှာဖြစ်ပြီး မရှိမဖြစ်တဲ့နေရာတွေကလွဲရင် ဗျူရိုကရက်အလုပ်ခန့်ထားမှုကို ရပ်ဆိုင်းထားမှာ ဖြစ်ပါတယ်။ဘိုင်ဒန်အစိုးရရဲ့ အသက်မဝင်သေးတဲ့ အစွန်းရောက်စည်းမျဉ်းတွေကိုလည်း ခေတ္တရပ်နားထားမှာဖြစ်ပါတယ်။
• သမ္မတထရမ့်ဟာ ရာထူးမှထုတ်ပယ်ခြင်းအတွက် မကြုံဖူးကြသေးတဲ့ အုပ်ချုပ်ရေးအမိန့်တစ်ခုကိုလည်းချမှတ်ဖို့ရှိနေပါတယ်။
• သမ္မတထရမ့်ဟာ အစိုးရဗျူရိုကရက်တွေရဲ့ တာဝန်ယူမှု၊တာဝန်ခံမှုအပိုင်းကိုလည်း မြင့်တင်ဖို့ စီစဉ်နေပါတယ်။အမေရိကန်နိုင်ငံသားတွေဟာလည်း နိုင်ငံကို ချစ်မြတ်နိုးတဲ့သူတွေဆီကနေ အမြင့်မားဆုံးစွမ်းဆောင်ရည်တွေကို ရရှိဖို့ ထိုက်တန်ပါတယ်။လက်ရှိဝန်ထမ်းတွေရဲ့ ၆ရာခိုင်နှုန်းသာ လူကိုယ်တိုင် အလုပ်လုပ်နေကြတာကြောင့် သမ္မတကြီး ကိုယ်တိုင်က ပြည်ထောင်စု အလုပ်သမားများလို အလုပ်ပြန်လုပ်မှာ ဖြစ်ပါတယ်။
• သမ္မတထရမ့်ဟာ နိုင်ငံ‌ရေးအတိုက်အခံပြိုင်ဘက်တွေကို အစိုးရရဲ့  လက်နက်အားကိုးဖိနိုပ်မှုကို အဆုံးသတ်ဖို့ အလျှင်အမြန် ကြိုးစားသွားမှာဖြစ်ပြီး စာရွှက်စာတမ်းတွေကို ဉပဒေအရ လိုအပ်သလို သိမ်းဆည်းဖို့ အမိန့်ထုတ်လိုက်ပါတယ်။ သမ္မတထရမ့် က ဖက်ဒရယ်အစိုးရရဲ့ ဖွဲ့စည်းပုံအခြေခံဥပဒေနဲ့မညီတဲ့ ဆင်ဆာဖြတ်တောက်မှုတွေကို အဆုံးသတ်လိုက်ပါတယ်။အစိုးရဝန်ထမ်းတွေအနေနဲ့ မှန်ကန်စစ်မှန်တဲ့ စကားတွေကို လုံးဝမြိုသပ်ထားစရာမလိုအပ်တော့ပါဘူး။
• သမ္မတကြီးရဲ့ လမ်းညွန်မှုနဲ့အတူ နိုင်ငံခြားရေးဌာနက အမေရိကန်-ပထမနိုင်ငံခြားရေးမှုဝါဒကို ချမှတ်သွားမှာဖြစ်ပါတယ်။
• သမ္မတအနေနဲ့ အမျိုးသားနှင့်အမျိုးသမီးကိုသာ ဇီဝဗေဒဆိုင်ရာ သရုပ်မှန်အဖြစ် သတ်မှတ်ပြီး အမျိုးသမီးတွေကို အစွန်းရောက် ကျား-မရေးရာ ဝါဒတွေကနေ အကာအကွယ်ပေးသွားမှာဖြစ်ပါတယ်။
• အမေရိကန်သမိုင်းကြောင်းကိုသင့်လျော်စွာဂုဏ်ပြုနိုင်ဖို့ နိုင်ငံရဲ့ အထင်ကရနေရာတွေကို နာမည်ပေးအပ်သွားမှာဖြစ်ပါတယ်။