အမေရိကန်သမ္မတ ထရမ့်နဲ့ အခြေအတင်ဖြစ်ခဲ့ပြီးနောက် ယူကရိန်းသမ္မတဇလန်းစကီးကို ဉရောပအင်အားကြီးနိုင်ငံများက ထောက်ခံမှုတွေပိုလုပ်လာ

၂၀၂၅၊မတ်လ၊၃ရက်

အမေရိကန် သမ္မတ ထရမ့်အပါအဝင် ဒုသမ္မတ ဂျေဒီဗန့်၊အမေရိကန်ထိပ်ပိုင်းခေါင်းဆောင်တချို့နဲ့ အိမ်ဖြူတော်ဆွေးနွေးပွဲမှာ အခြေအတင်ဖြစ်ခဲ့ပြီးတဲ့နောက်မှာ ယူကရိန်းသမ္မတဇလန်းစကီးကို ဉရောပသမ္မဂအဖွဲ့ဝင် အင်အားကြီးနိုင်ငံတွေက ထောက်ခံမှုတွေပိုလုပ်လာကြပါတယ်။

မတ်လ ၂ရက်နေ့က ယူကရိန်းသမ္မတဇလန်းစကီးကို ဗြိတိန်ဝန်ကြီးချုပ် ကီးယာစတန်းမာ က ထောက်ခံတွေ့ဆုံခဲ့ပြီး စတာလင်ပေါင် သန်းပေါင်း ၂၂၆၀ ကိုလည်း ထုတ်ချေးဖို့ သဘောတူလက်မှတ်ထိုးခဲ့အပြင် ချားလ်ဘုရင်ကြီးကလည်း ထောာက်ခံတွေ့ဆုံခဲ့ပြီး တစ်နာရီကျော်ကြာ ဆွေးနွေးမှုတွေပြုလုပ်ခဲ့ကြပါတယ်။

ဒါ့အပြင် ယူကရိန်းအရေး လန်ဒန်ထိပ်သီးအစည်းအဝေးကိုလည်း မနေ့က ကျင်းပခဲ့ပြီး ပြင်သစ်၊ဗြိတန်အပါအဝင် ဉရောပနိုင်ငံက ထိပ်သီးခေါင်းဆောင်တွေတက်ရောက်ခဲ့ကြသလို ယူကရိန်းစစ်ပွဲချုပ်ငြိမ်းရေးအတွက် အကောင်အထည်ဖော်မယ့် ဘယ်လိုသဘောတူညီချက်မဆို ဆန္ဒတူသူများစုပေါင်းကာကွယ်ဖို့ ဥရောပနိုင်ငံတွေအနေနဲ့ စစ်သုံးစရိတ်မြှင့်တင်ဖို့လည်း ညှိနှိုင်းခဲ့ကြပါတယ်။

ဥရောပသမ္မဂ္ဂအကြီးအကဲ ဥဇူဗွန်ဒါလာရန်းကလည်း ကြီးနိုင်ငယ်ညှင်းမခံရဖို့ ဥရောပတိုက်မှာ တဖန်လက်နက်ပြန်လည်တပ်ဆင်ဖို့လိုနေပြီဖြစ်တာကြောင့် မတ်လ ၆ ရက်နေ့မှာ ကျင်းပမယ့် ဥရောပသမ္မဂ္ဂကောင်စီညီလာခံမှာ အသေးစိတ် တင်ပြသွားမယ်လို့ ပြောထားပါတယ်။

ပြင်သစ်နှင့် ဗြိတိန်တို့ကလည်း ယူကရိန်းနှင့် ရုရှားတို့နှစ်ဖက် ဝေဟင်၊ ရေပြင်နှင့် စွမ်းအင်ဆိုင်ရာ အဆောက်အအုံတွေကို တစ်လကြာအပစ်ရပ်ဖို့ အဆိုပြုသွားမယ်လို့ နေတိုးအတွင်းရေးမှုးချုပ် Mark Rutte ကလည်း လန်ဒန်ညီလာခံတွင် ပြောသွားပါတယ်။

ဉရောပဘက်ကယူကရိန်းကို သိသိသာသာ ထောက်ခံမှုတွေပြုလုပ်လာချိန်မှာ အမေရိကန် သမ္မတ ထရမ့်ရဲ့ အမျိုးသားလုံခြုံရေးအကြံပေး မိုက်ဝေါ့ဇ် ကတော့ သမ္မတဇလန်းစကီးဟာ ပဋိပက္ခကို အမှန်တကယ် အဆုံးသတ်လိုသည်ရှိမရှိမေးခွန်းထုတ်ခဲ့သလို အမေရိကန်အနေနဲ့ မည်သည့်ကိစ္စနဲ့မဆို ရုရှားနဲ့ ယူကရိန်းစစ်ပွဲတွေရပ်တန့်သွားဖို့ အလေးပေးချဉ်းကပ်ဆောင်ရွက်ခဲ့တာဖြစ်တယ်လို့ ပြောထားပါတယ်။

ဒါပေမယ့်လည်း နိုင်ငံတကာသုံးသပ်သူတွေကတော့ အမေရိကန်တကယ်လိုချင်တာ ငြိမ်းချမ်းရေးမဟုတ်ဘဲ ယူကရိန်းရဲ့ မြေရှားသတ္ထုတူးဖော်ရေးသာဖြစ်တယ်လို့ ထောက်ပြနေကြပါတယ်။

Ref:CNN, Router,CNA,VOA,The Telegraph

#Mercury#Mercurynews#နိုင်ငံတကာသတင်း#ယူကရိန်း#ရုရှား#ဉရောပ#အမေရိကန်