အမေရိကန်ရဲ့ ပြည်ဝင်ခွင့်ပိတ်မယ့် နိုင်ငံများစာရင်းတွင် မြန်မာ ပါဝင်နေ

၂၀၂၄၊မတ်လ၊၁၅ရက်

အမေရိကန်နိုင်ငံအနေနဲ့ သမ္မတ ဒေါ်နယ်ထရန့်ရဲ့ အစီအစဉ်အရ နိုင်ငံတွင်း ဝင်ရောက်ခွင့် တားမြစ်ဖို့ စီစဉ်ထားတဲ့ နိုင်ငံ ပေါင်း ၄၃ နိုင်ငံထဲမှာ မြန်မာနိုင်ငံလည်း ပါဝင်နေတယ်လို့ နယူးယောက်တိုင်းမ်သတင်းရဲ့ ဖော်ပြချက်အရသိရပါတယ်။

အမေရိကန် သံတမန်ရေးနဲ့ လုံခြုံရေးဆိုင်ရာ တာဝန်ရှိသူတွေရဲ့ ပြောဆိုချက်အရ အာဖဂန်နစ္စတန်၊ ဘူတန်၊ ကျူးဘား၊ အီရန်၊ လစ်ဗျား၊ မြောက်ကိုရီးယား၊ ဆိုမာလီယာ၊ ဆူဒန်၊ ဆီးရီးယား၊ ဗင်နီဇွဲလားနဲ့ ယီမင်တို့ကို အမေရိကန်ကို ဝင်ရောက်ခွင့် လုံး၀ကန့်သတ်ထားတဲ့ အနီရောင်စာရင်းမှာ ထည့်သွင်းထားတာဖြစ်ပြီး ဘီလာရုစ်၊ အီရီထရီးယား၊ ဟေတီ၊ လာအို၊ မြန်မာ၊ ပါကစ္စတန်၊ ရုရှား၊ ဆီရာလီယွန်၊ တောင်ဆူဒန်၊ တာ့ခ်မင်နစ္စတန်တို့ကတော့ ခရီးသွားလာမှုကို အလုံးစုံပိတ်ပင်ခြင်းမဟုတ်ပေမယ့် ကန့်သတ်မှုအချို့ထားမယ့် လိမ္မော်ရောင်စာရင်းမှာပါဝင်နေတယ်လို့ သိရပါတယ်။

အမေရိကန်နိုင်ငံမှာ ဒေါ်နယ်ထရန့် သမ္မတဖြစ်လာပြီးနောက်ပိုင်း တရားမဝင် အထောက်အထားမဲ့တွေကို အစုလိုက်အပြုံလိုက် နှင်ထုတ်တာတွေပြုလုပ်နေပြီး လူဝင်မှုကြီးကြပ်ရေး ဥပဒေတွေကို ပြောင်းလဲဖို့ အမိန့်တစ်ရပ် ထုတ်ပြန်ထားပါတယ်။

ဓါတ်ပုံ- နယူးယောက်တိုင်းမ်

#mercury#mercurynews#နိင်ငံတကာသတင်း#မြန်မာ#အမေရိကန်