အမေရိကန်နှင့် ဆွေးနွေးမှု ပျက်ပြားသွားခဲ့သည့် ယူကရိန်း သမ္မတ ဇီလင်စကီးဘက်မှ ပြင်သစ်၊ဂျာမနီနှင့် ဉရောပနိုင်ငံများရပ်တည်ကြောင်းထုတ်ပြော

၂၀၂၅၊မတ်လ၊၁ရက်

အမေရိကန်သမ္မတ ဒေါ်နယ်ထရမ့်နဲ့ ယူကရိန်းသမ္မတ ဇာလန်းစကီး တို့ရဲ့ အိမ်ဖြူတော်တွေ့ဆုံမှု အခြေအတင်ဖြစ်ပြီး ပျက်ပြားသွားတဲ့နောက်မှာ ယူကရိန်း သမ္မတ ဇီလင်စကီးဘက်မှာရပ်တည်ကြောင်း ပြင်သစ်၊ဂျာမနီနဲ့ EUနိုင်ငံတွေက ထုတ်ပြောလာကြပါတယ်။

ပြင်သစ်သမ္မတ မက်ခရွန်က ရုရှားကသာ ကျူးကျော်ရန်စသူဖြစ်တာကြောင့် ယူကရိန်းအနေနဲ့ ဘာကိုမှ အနစ်နာခံလိုက်လျောစရာမလိုကြောင်း၊ကျူးကျော်စစ်ကို တောင့်ခံလာခဲ့တဲ့ ယူကရိန်းဘက်မှာ ထောက်ခံကြောင်း ပြတ်ပြတ်သားသား ပြောကြားခဲ့ပါတယ်။

ဒါ့အပြင် ပြီးခဲ့တဲ့ ဖေဖော်ဝါရီ ၂၃ရက်နေ့မှာ ဂျာမနီအထွေထွေရွေးကောက်ပွဲမှာ အနိုင်ရပြီး နောက်လာမယ့် အဓိပတိလောင်း ဖြစ်တဲ့ကွန်ဆာဗေးတစ်ခရစ်ယာန်ဒီမိုကရက်တစ်သမဂ္ဂ (CDU) ခေါင်းဆောင် မယ်လ်ရစ် ကလည်း ယူကရိန်း သမ္မတ ဇီလင်စကီးဘက်မှာ ရပ်တည်ကြောင်း၊အကောင်းဆုံးမျှော်လင့်ထားပေမယ့် အဆိုးဆုံးထိဖြစ်လာရင်လည်း အတူတူရင်ဆိုင်သွားမှာဖြစ်ကြောင်း သူ့ရဲ့ Xလူမှုကွန်ရက်ပေါ်မှာ ရေးသားခဲ့ပါတယ်။

အမေရိကန်နှင့် ယူကရိန်း ဆွေးနွေးမှု ပျက်ပြီးတဲ့နောက်ပိုင်းမှာ ဗြိတန် အပါအဝင် အခြား ဉရောပနိုင်ငံတွေကလည်း ယူကရိန်းဘက်မှာ ရပ်တည်နေကြမှာဖြစ်ကြောင်း အရိပ်အမြွက်ပြောထားတာတွေကို နိုင်ငံတကာသတင်းဌာန အများအပြားက ဖော်ပြလာကို တွေ့ရပါတယ်။

#mercury#mercurynews#နိင်ငံတကာသတင်း#ပြင်သစ်#ဂျာမနီ