အပြည်ပြည်ဆိုင်ရာ စတန့်ဆု လျာထားစာရင်းထဲမှာ ရှာရွတ်ခန်းရဲ့ Jawan နဲ့ Pathaan ဇာတ်ကားက စတန့်ဇာတ်ဝင်ခန်းတွေ ပါဝင်နေ

၂၀၂၃ ခုနှစ် စွမ်းဆောင်ရည်တွေအတွက် ပေးအပ်ချီးမြှင့်တဲ့ အပြည်ပြည်ဆိုင်ရာ နှစ်ပတ်လည် စတန့်ဆုအတွက် ဆန်ခါတင်စာရင်းထဲမှာ ရှာရွတ်ခန်း သရုပ်ဆောင်ထားတဲ့ Jawan နဲ့ Pathaan ဇာတ်ကားက စတန့်ဇာတ်ဝင်ခန်းတွေ ပါဝင်လာခဲ့တယ်လို့ သိရှိရပါတယ်။

Jawan နဲ့ Pathaan ဇာတ်ကားတွေဟာ အက်ရှင်ဇာတ်ကားတွေဖြစ်ပြီး Jawan ဇာတ်ကားထဲက အဝေးပြေးလမ်းမကြီးထက် ဆိုင်ကယ်မောင်းနှင်ပြတဲ့ဇာတ်ဝင်ခန်းတွေဟာ အကောင်းဆုံးမြေပြင်စတန့်ဆုအတွက် ဆန်ခါတင်စာရင်းဝင်သွားခဲ့ပါတယ်။

Pathaan ရုပ်ရှင်ဇာတ်ကားထဲက ဇာတ်ဝင်ခန်းကတော့ ဝေဟင်အကောင်းဆုံး စတန့်ဆုအတွက် ဆန်ခါတင်စာရင်းဝင်သွားခဲ့ပြီး Pathaan ဇာတ်ကားထဲက ကျောပိုးဂျက်နဲ့အတူ ရှာရွတ်ခန်း ပျံသန်းပြတဲ့ဇာတ်ဝင်ခန်းဟာ ဝေဟင်အကောင်းဆုံး စတန့်ဆုအတွက် လျာထားစာရင်းထဲ ပါသွားခဲ့တာဖြစ်ပါတယ်။

အဲ့ဒီဇာတ်ဝင်ခန်းတွေနဲ့အတူ ဆု ၂ ဆုလုံးကိုသာ ရှာရွတ်ခန်း သိမ်းပိုက်လိုက်နိုင်ရင် ဒါက ရှာရွတ်ခန်းရဲ့ ကြီးမားလှတဲ့အောင်မြင်မှုတွေအဖြစ် မှတ်တမ်းဝင်လာဦးမှာပဲဖြစ်ပါတယ်။