အင်္ဂလန်ရဲ့ တစ်နှစ်တာ အကောင်းဆုံး ကစားသမားဆုကို ကိုးလ်ပါယ်မာ ရရှိ

၂၀၂၄၊အောက်တိုဘာလ၊၉ရက်

ချဲလ်ဆီးအသင်းရဲ့ အင်္ဂလန်လက်ရွေးစင် ကွင်းလယ်တိုက်စစ်ကစားသမား ကိုးလ်ပါယ်မာဟာ အင်္ဂလန်ရဲ့ တစ်နှစ်တာ အကောင်းဆုံး ကစားသမားဆုကိုရရှိသွားပါတယ်။

ကိုးလ်ပါယ်မာဟာ ဘယ်လင်ဟမ်၊ဆာကာ၊ဟယ်ရီကိန်းတို့ကို ကျော်ဖြတ်ကာဒီဆုကို ရရှိခဲ့တာဖြစ်ပြီး အင်္ဂလန်လက်ရွေးစင်အသင်းအတွက် ယူရိုဖိုင်နယ်အပါအဝင် ပါဝင်ကစားခွင့်ရခဲ့တဲ့ ပွဲစဉ်တိုင်းမှာ ခြေစွမ်းပြနိုင်ခဲ့တာကြောင့် အခုလို တစ်နှစ်တာ အကောင်းဆုံး ကစားသမားဆုကိုရရှိခဲ့တာလို့ Sky Sportsကဖော်ပြထားပါတယ်။

ကိုးလ်ပါယ်မာဟာ ၂၀၂၃-၂၀၂၄ ဘောလုံးရာသီမှာ ချဲလ်ဆီးနဲ့ အင်္ဂလန်လက်ရွေးစင် အသင်းအတွက် ၂၅ဂိုးသွင်းယူကာ၁၄ကြိမ်ဂိုးဖန်တီးမှု ပြုလုပ်ပေးနိုင်ခဲ့သလို ပရီးမီးယားလိဂ်တစ်နှစ်တာ အကောင်းဆုံးလူငယ်ကစားသမားဆုကိုပါရရှိထားတဲ့ ကစားသမားဖြစ်ပါတယ်။