အင်တာမီလန်ကိုရှုံးခဲ့ပေမဲ့ ချဲလ်ဆီးကိုတော့ အနိုင်ယူဖို့ယုံကြည်ချက်ရှိတယ်လို့ အာဆင်နယ်နည်းပြ အာတီတာပြော

၂၀၂၄၊နိုဝင်ဘာလ၊၇ရက်

အာဆင်နယ်နည်းပြ အာတီတာက အင်တာမီလန်နဲ့ ချန်ပီယံလိဂ်ပွဲစဉ်မှာရှုံးနိမ့်ခဲ့ပေမဲ့ ချဲလ်ဆီးနဲ့ပရီးမီးယားလိဂ်ပွဲမှာတော့ အနိုင်ယူဖို့ ယုံကြည်ချက်အပြည့်ရှိတယ်လို့ ထုတ်ပြောခဲ့ပါတယ်။

နည်းပြအာတီတာက “ကျနော်တို့အတွက် ဒီညက အရမ်းကို ကြမ်းတမ်းလွန်းပါတယ်။ သေချာပေါက်ကို ပင်နယ်တီနှစ်လုံးဖြစ်ရမှာပါ။ အထူးသဖြင့် မာရီနိုရဲ့ဖြစ်ရပ်ကို လက်ထိဘောလို့ သတ်မှတ်တယ်ဆိုရင် နောက်ဖြစ်ရပ်ကလည်း ရာနှုန်းပြည့် ပင်နယ်တီဖြစ်ရမှာပါ။ဒီညမှာ အင်တာနဲ့ ကျနော်တို့ရင်ဆိုင်ခဲ့တဲ့ ကစားပုံနဲ့ ချဲလ်ဆီးကို ရင်ဆိုင်ပြီး အနိုင်ကစားနိုင်ပါတယ်။ယုံကြည်မှုလည်းအပြည့်ရှိပါတယ်။”လို့ ပွဲပြီး သတင်းစာရှင်းလင်းပွဲမှာပြောခဲ့တာဖြစ်ပါတယ်။

အာဆင်နယ်အသင်းဟာ နောက်ဆုံးကစားခဲ့တဲ့ပြိုင်ပွဲစုံ လေးပွဲမှာ တစ်ပွဲသာနိုင်ထားပြီး အကျပိုင်းကိုရောက်နေသလို တနင်္ဂနွေနေ့မှာ ချဲလ်ဆီးနဲ့ ပရီးမီးယားလိဂ်ပွဲကြပ်ကိုကစားရအုံးမှာဖြစ်ပါတယ်။