အခုရက်ပိုင်း ရန်ကုန်၌အသည်းရောင်အသားဝါAကူးစက်မှုများနေ

—————————————————————————-

၂၀၂၅ခုနှစ်၊ဖေဖော်ဝါရီလ၊(၂၅)ရက်

အခုရက်ပိုင်းမှာ ရန်ကုန်မြို့မှာ အသည်းရောင်အသားဝါ Hepatitis Aကူးစက်မှုတွေများနေတယ်လို့ ကူးစက်ခံရသူတွေနဲ့ ကူးစက်ခံရသူတွေရဲ့မိသားစုဝင်တွေထံမှ သိရပါတယ်။

‘’စဖြစ်ဖြစ်ချင်းအားမရှိဘူး။ညောင်းကိုက်တယ်။ကိုယ်ပူတယ်။နောက်ရက်ကျ ဘာစားစားထိုးအန်တော့တာပဲ။ မူးနောက်ရင်ပြည့်ပြီးအန်တာ။ဝမ်းလျှောတာတွေပါဖြစ်တယ်။ အသည်းရောင်အသားဝါ Hepatitis Aကူးစက်တာပါ။အပြင်မှာပဲ မုန့်တွေစားဖြစ်တာက ကူးစက်တာဖြစ်ပါတယ်”လို့ ရန်ကုန်မြို့နေ ကူးစက်ခံရသူတစ်ဦးကပြောပါတယ်။

နောက်တစ်ဦးမှာ သား ဖြစ်သူရော သမီးဖြစ်သူရောနှစ်ဦးစလုံး အသည်းရောင်အသားဝါ Hepatitis Aကူးစက်တဲ့ အတွက် သိန်းချီအကုန်အကျခံကာပြန်လည်ကုသခဲ့ရတယ်လို့ ၄င်းတို့ရဲ့ လူမှုကွန်ရက်စာမျက်နှာပေါ်မှာ‌ဖော်ပြထားပါတယ်။

အသည်းရောင်အသားဝါ Hepatitis Aဆိုတာ ဗိုင်းရပ်စ်တစ်မျိုးကြောင့် ဖြစ်တဲ့အသည်းရောင်ရောဂါဖြစ်ပြီး လက္ခဏာအနေနဲ့ အသားဝါတာ၊ပျို့အန်တာ၊ပင်ပန်းတာတွေဖြစ်ပေါ်တယ်လို့ ဒေါက်တာကျော်ရှိန်က ဖော်ပြထားပါတယ်။

အသည်း‌‌‌ရောင်အသားဝါဟာ အစာမသန့်တာ၊ ရေမသန့်တာကနေကူးစက်တာဖြစ်ပြီး လက်ကိုမကြာခဏဆေးတာ၊ အညစ်အကြေးကနေတစ်ဆင့်ကူးနိုင်လို့ အိမ်သာသုံးစွဲရင် လက်ကိုသန့်ရှင်းစွာဆေးကြောတာနဲ့ ရောဂါကူးစက်ခံရသူနဲ့ အိမ်သာခွဲသုံးတာ၊ ပန်းကန်၊ဇွန်းတွေခွဲသုံးဖို့လိုအပ်တယ်လို့ အကြံပြုထားတယ်လို့ သိရပါတယ်။

#Mercury#mercurynews#ကူးစက်ရောဂါ#မြန်မာ#ပြည်တွင်းသတင်း