အကယ်ဒမီပေးပွဲ ဖိတ်စာလာမထုတ်ပါကဖိတ်ကြားစာရင်းမှပယ်ဖျက်မည်၊လုံခြုံရေးရင်ထိုးမပါပါက ဝင်ရောက်ခွင့်မပြုဟုဆို

—————————————————————————–

၂၀၂၅ခုနှစ်၊ဖေဖော်ဝါရီလ၊(၆)ရက်

အကယ်ဒမီပေးပွဲတက်ဖို့အတွက် ဖိတ်ကြားခံရသူတွေ ဒီကနေ့ ဖေဖော်ဝါရီလ(၆)ရက် နေ့လည် ပိုင်းနောက်ဆုံးထားပြီးဖိတ်စာတွေထုတ်ယူကြရမယ်လို့ မြန်မာနိုင်ငံရုပ်ရှင်အစည်းအရုံးမှထုတ်ပြန် လိုက်ပါတယ်။

ဖိတ်စာလာမထုတ်ပါကဖိတ်ကြားစာရင်းမှ ပယ်ဖျက်သွားမှာဖြစ်သလို ဖိတ်စာမပါပါက လုံခြုံရေး ရင်ထိုးထုတ်လို့မရနိုင်ကြောင်းနဲ့ လုံခြုံရေးရင်ထိုးမပါပါက အကယ်ဒမီဆုပေးပွဲအခမ်းအနားခန်းမထဲကို တက်ရောက်ခွင့် မရနိုင်ဘူးလို့ဆိုပါတယ်။

အကယ်ဒမီရင်ထိုးတွေကို ဖေဖော်ဝါရီလ(၈)ရက်နံနက်(၁၀)နာရီမှဖေဖော်ဝါရီလ(၉)ရက်နေ့လည် (၃)နာရီအတွင်းထုတ်ယူရမှာဖြစ်ပြီး အကြောင်းကြောင်းကြောင့် ဖေဖော်ဝါရီလ(၉)ရက်နေ့လည်(၃)နာရီ နောက်ပိုင်းထုတ်ယူသူတွေဟာညနေ(၄)နာရီမှစပြီး MICC-1 ဂိတ်အမှတ်(၃)မှာထုတ်ယူရမှာဖြစ်တယ်လို့ ဖော်ပြထားပါတယ်။

အကယ်ဒမီပေးပွဲ မြန်မာ့ရုပ်ရှင်ထူးချွန်ဆုပေးပွဲအခမ်းအနားကို ဖေဖော်ဝါရီလ(၉)ရက် နေပြည်တော်မှာ MICC-1 ကျင်းပသွားမှာဖြစ်တယ်လို့ သိရပါတယ်။

#mercury#mercurynews#မြန်မာ#အကယ်ဒမီ