သစ်ရွက်ခြောက်နှင့်အမှိုက်များမီးရှို့မှုကြောင့် ထွက်ပေါ်လာသည့်အခိုးအငွေ့များကျန်းမာရေးကိုထိခိုက်နိုင်

=========

၂၀၂၅ခုနှစ်၊မတ်လ(၁)ရက်

မြေပြင်အမှိုက်မီးရှို့မှုတွေပြုလုပ်ရာကနေကနေထွက်ပေါ်လာတဲ့အခိုးအငွေ့တွေဟာသဘာဝပတ်ဝန်းကျင်နဲ့လူတို့ရဲ့ကျန်းမာရေးကိုထိခိုက်နိုင်တယ်လို့ သဘာဝပတ် ပတ်ဝန်းကျင်ထိန်း သိမ်းရေးလုပ် ကိုင်နေသူတွေကထောက်ပြပြောဆိုလာပါတယ်။

အခုလိုခြောက်သွေ့ရာသီကူးပြောင်းလာချိန်မှာရန်ကုန်မြို့ရဲ့ရပ်ကွက်တော်တော်များများအပါအဝင်နေရာအများအပြားမှာအမှိုက်တွေမီးရှို့နေတာတွေကိုပြုလုပ်နေကြတဲ့အပေါ်အခုလိုသတိပေးပြောကြားလာတာဖြစ်ပါတယ်။

တောမီးလောင်ကျွမ်းခြင်းနဲ့မြေပြင်အမှိုက်မီးရှို့ခြင်းတို့ကနေထွက်ပေါ်လာတဲ့အခိုးအငွေ့များဟာသဘာဝပတ်ဝန်းကျင်နဲ့လူတို့ရဲ့ကျန်းမာရေးကိုသာမကသက်ရှိသတ္တဝါများနဲ့သယံဇာတအရင်းအမြစ်များအပေါ်ဆိုးကျိုးသက်ရောက်စေတယ်လို့ဆိုပါတယ်။

သစ်ရွက်ခြောက်များ၊သစ်ကိုင်းခြောက်များ၊အိမ်သုံးစွန့်ပစ်အမှိုက်များကိုမီးရှိုပါကလေထုထဲကို အမှုန်အမွှားများထွက်ရှိလာပြီးပတ်ဝန်းကင်လေထုညစ်ညမ်းမှုကိုဖြစ်ပေါ်စေယုံသာမကကအသက်ရှုရခက်ခဲခြင်း၊ချောင်းဆိုးခြင်း၊မျက်စေ့/နှာခေါင်းယားယံခြင်း၊ခေါင်းကိုက်ခြင်းတိုကို့ခံစားရစေပါတယ်။

ဒါအပြင်အသက်ရှူလမ်းကြောင်းဆိုင်ရာရောဂါများ၊ကင်ဆာရောဂါ၊အဆုတ်နဲ့နှလုံရောဂါများဖြစ်ပွားစေနိုင်တယ်လို့ဆိုပါတယ်။

ရန်ကုန်မြို့မှာနေထိုင်သူတစ်ဦးက”ကျွန်မတို့ရပ်ကွက်ထဲမှာအမှိုက်နဲ့သစ်ရွက်ခြောက်တွေမီးရှို့တာက မနက်ပိုင်းနဲ့ညနေပိုင်းတွေပဲ။သူတို့မီးရှို့မယ်ဆိုရင်လည်းပတ်ဝန်းကျင်ကိုသတိပေးသင့်တယ်။အခုက ဘာမှမပြောပဲမီးရှို့တော့အိမ်မှာကလေးကအကြပ်လည်းရှိတော့ မီးခိုးငွေ့တွေထွက်လာပြီးမကြာဘူးကလေးကမောလာတယ်။ဆေးခန်းပြေးရတော့တာတွေတောင်ရှိတယ်။ချက်ချင်းတံခါးတွေပိတ်ရတာတွေလုပ်ရတယ်။ရပ်ကွက်ထဲမှာတော့အမှိုက်တွေကိုမီးမရှို့စေချင်ဘူး”လိုပြာပါတယ်။

အမှိုက်တွေကိုမီးရှို့မယ့်အစားသစ်ရွက်ခြောက်နဲ့သစ်ကိုင်းခြောက်တွေကိုမြေဆွေးပြုလုပ်ပြီးပြန်လည်အသုံးပြုတာ၊အမှိုက်ကျင်းတွေတူးပြီးမြေဖို့စွန့်ပစ်တာ၊အိမ်သုံးစွန့်ပစ်အမှိုက်တွေကိုအမှိုက်သိမ်းယာဥ်များပေါ်သို့စနစ်တကျစွန့်ပစ်မှုများပြုလုပ်တာတွေဟာလေထုညစ်ညမ်းမှုနဲ့ကျန်းမာရေးဆိုင်ရာပြသနာများလျော့နည်းသက်စေတဲ့အတွက်လူနေအိမ်များ၊ရက်ကွက်များတွင်သစ်ရွက်ခြောက်များ၊သစ်ကိုင်းခြောက်များ၊အိမ်သုံးစွန့်ပစ်အမှိုက်များနဲ့ပလတ်စတစ်အမှိုက်များကိုမီးမရှို့ကြဖို့လိုအပ်တယ်လို့သဘာ၀ပတ်ဝန်းကျင်ထိန်းသိမ်းရေးဦးစီးဌာနရဲ့ထုတ်ပြန်ချက်တွေအရသိရပါတယ်။

ဓါတ်ပုံ-Mercury News

#MERCURY#mercurynews#သစ်ရွှက်ခြောက်#ပြည်တွင်းသတင်း#ကျန်းမာရေး