လေအေးနှင့်လေပွေလှိုင်းများကြောင့် အခုရက်ပိုင်းအချိန်အခါမဟုတ် မိုးထစ်ချုန်းရွာခြင်းနှင့်အတူမိုးကြိုးပစ်၊မိုးသီးကြွေနိုင်

——————————————————————————————

၂၀၂၅ခုနှစ်၊ဖေဖော်ဝါရီလ၊(၂၂)ရက်

တရုတ်ပြည်မကြီးမှရွေ့လျားလာတဲ့လေအေးနဲ့ပင်လယ်ပြင်မှ လေနွေးတွေ့ဆုံမှု၊ လေပွေလှိုင်းတွေအရှိန်ကြောင့် အချိန်အခါမဟုတ် မိုးထစ်ချုန်းရွာဖို့ရှိတယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရပါတယ်။

ဖေဖော်ဝါရီ ၂၄ ရက်မှ ၂၇ ရက်အတွင်း နေပြည်တော်၊ ရန်ကုန်တိုင်း၊ ပဲခူးတိုင်း၊ ဧရာဝတီတိုင်း၊ တနင်္သာရီတိုင်း၊ ကချင်ပြည်နယ်၊ ကယားပြည်နယ်၊ ကရင်ပြည်နယ်၊ မွန်ပြည်နယ်နှင့် ရှမ်းပြည်နယ်တို့မှာ နေရာကျဲကျဲမှ နေရာစိပ်စိပ်နှင့် မန္တလေးတိုင်း၊ စစ်ကိုင်းတိုင်း အထက်ပိုင်း၊ ချင်းပြည်နယ်နှင့် ရခိုင်ပြည်နယ်တို့တွင် နေရာကွက်ကျား မိုးထစ်ချုန်းရွာနိုင်တယ်လို့ ဖော်ပြထားပါတယ်။

အချိန်အခါမဟုတ် မိုးရွာခြင်းနှင့်အတူ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်းစတဲ့ မိုးလေဝသဖြစ်စဉ်များ ဖြစ်ပေါ်နိုင်ပါသဖြင့် ကြိုတင်သတိပြုနိုင်ပါရန် အကြံပြုထားတယ်လို့ သိရပါတယ်။

Photo -tthl

#mercury#mercurynews#ရာသီဉတု#ပြည်တွင်းသတင်း