လက်မှတ် ၃ သိန်းခွဲနီးပါး ရောင်းချထားရလို့ DUNKI ရဲ့ဝင်ငွေ မြင့်တက်လာနိုင်

ရှာရွတ်ခန်း ပါဝင်သရုပ်ဆောင်ထားတဲ့ DUNKI ရုပ်ရှင်ဇာတ်ကားရဲ့ဝင်ငွေဟာ လက်မှတ်ရောင်းချထားမှုစောင်ရေအရ ဝင်ငွေ မြင့်တက်လာဖို့ပဲ ရှိနေတယ်လို့ သိရှိရပါတယ်။

DUNKI ရုပ်ရှင်ကားအတွက် လက်မှတ်စောင်ရေ ၃ သိန်းခွဲနီးပါး ရောင်းချထားပြီးပြီဖြစ်ပြီး အရေအတွက်အားဖြင့် အတိအကျ ပြောရမယ်ဆိုရင် DUNKI ရုပ်ရှင်ကားအတွက် ရောင်းချပြီးတဲ့ လက်မှတ်စောင်ရေက ၃၄၁,၅၀၀ ရှိသွားပြီးပြီလို့ သတင်းကြားသိရပါတယ်။

DUNKI ရုပ်ရှင်ကားဟာ အစပြုတဲ့ ရုံဖွင့်ရက်မှာ ရုံတင်ဝင်ငွေ လျော့နည်းခဲ့ပေမယ့် အခုရောင်းချထားရတဲ့ လက်မှတ်အရေအတွက်အရဆိုရင် ရှေ့လာမယ့်ရက်တွေမှာ ဝင်ငွေရရှိမှု မြင့်တက်လာလိမ့်မယ်လို့ ရုပ်ရှင်လေ့လာသုံးသပ်သူတွေက မှတ်ချက်ပေးထားပါတယ်။

DUNKI ဟာ ၂၀၂၃ ခုနှစ်အတွင်း ရှာရွတ်ခန်း ပါဝင်သရုပ်ဆောင်ထားတဲ့ တတိယမြောက် ရုပ်ရှင်ကားဖြစ်ပြီး အခုမတိုင်ခင်မှာ Pathaan၊ Jawan စတဲ့ ရုပ်ရှင်ကားတွေနဲ့အတူ ရှာရွတ်ခန်းက အောင်မြင်မှုတွေ ကြီးကြီးမားမား ရယူထားပြီးပြီလည်း ဖြစ်ပါတယ်။