ရှာရွတ်ခန်းရဲ့ DUNKI ဇာတ်ကားသစ်ကို သမိုင်းမှာ ပထမဆုံးအဖြစ် မနက်အစော ၅ နာရီ ၅၅ မိနစ်မှာ ပြမယ်၊ ရှာရွတ်ခန်းပရိသတ်တွေ သမိုင်းဝင်ပွဲကိုကြည့်ဖို့ လက်မှတ်ဝယ်နေပြီ

ဒီဇင်ဘာလ ၂၁ ရက်နေ့ရောက်ရင် ရှာရွတ်ခန်း သရုပ်ဆောင်ထားတဲ့ DUNKI ရုပ်ရှင်ကားသစ်ကြီးကို ရုံတင်ပြသပါတော့မယ်။ DUNKI မှာ အထူးပွဲတစ်ပွဲ ထည့်သွင်းထားပါတယ်။

အဲ့ဒါကတော့ အိန္ဒိယရုပ်ရှင်လောကနဲ့ ဘောလိဝုဒ်လောကမှာ သမိုင်းတလျှောက် ပထမဆုံးအဖြစ် ဒီရုပ်ရှင်ကားကြီးကို မနက်အစော လင်းအားကြီး မနက် ၅ နာရီ ၅၅ မိနစ်မှာ ပြသပေးမယ် ဆိုတာပါပဲ။

မွန်ဘိုင်းမြို့မှာရှိတဲ့ Gaiety ရုပ်ရှင်ရုံမှာ အဲ့ဒီအထူးပွဲကို ပြသပေးသွားမှာပါ။ ရှာရွတ်ခန်းရဲ့အမာခံပရိသတ်တွေဟာ အဲ့ဒီအထူးပွဲပြသမှုကို ကြည့်ရှုခွင့်ရဖို့အတွက် အခုကတည်းက လက်မှတ်တွေ အလုအယက် ဝယ်နေကြပြီလို့ သိရပါတယ်။

ဒါဟာ ရှာရွတ်ခန်းအတွက် အကြီးမားဆုံးအောင်မြင်မှုဖြစ်သလို သမိုင်းမှတ်တိုင်သစ်တစ်ခု ရေးထိုးစိုက်ထူလိုက်နိုင်တာလည်းဖြစ်ပါတယ်။

အိန္ဒိယရုပ်ရှင်လောက,က ရုပ်ရှင်ကားတွေထဲမှာ DUNKI က မနက် ၅ နာရီ ၅၅ မိနစ် ရုံတင်ပြသတဲ့ ပထမဆုံးကားလို့ သမိုင်းစာမျက်နှာမှာ မှတ်တမ်းတင်သွားခဲ့ပါပြီ။