ရှမ်းပြည်၊ကျိုင်းတုံတွင် ကားမှောက်၊(၁)ဦးသေဆုံး၊(၃)ဦးဒဏ်ရာရ

————————————-

၂၀၂၅ခုနှစ်၊မတ်လ၊(၂၁)ရက်

ရှမ်းပြည်၊ကျိုင်းတုံမှာ ကားတစ်စီး တိမ်းမှောက် ခဲ့ပြီး (၁)ဦးသေဆုံး၊(၃)ဦးဒဏ်ရာရရှိခဲ့တယ်လို့ မြန်မာနိုင်ငံမီးသတ်တပ်ဖွဲ့မှ သိရပါတယ်။

မတ်လ(၂၀)ရက်၊ညနေပိုင်းမှာ ရှမ်းပြည်နယ်၊ ကျိုင်းတုံမြို့၊ မိုင်းဇင်းအုပ်စု၊ ပန်လော့(အထက်)ရွာ နတ်စင်ကွေ့၊ မိုင်တိုင်အမှတ်(၄၀၃/၇)နှင့်(၄၀၄/၀) ကြားမှာ ယာဉ်တိမ်းမှောက်မှုဖြစ်ပွားပြီး လူညပ်ခဲ့တာဖြစ်ပါတယ်။

အဲဒီ့ယာဉ်တိမ်းမှောက်မှုကြောင့် ယာဉ်ပေါ်ပါ ကျား(၄)ဦးအနက် ကျား(၃)ဦး ထိခိုက်ဒဏ်ရာ (စိုးရိမ်ရ) နှင့် ကျား(၁)ဦး (သေဆုံး) တို့အား နှလုံးလှ လူမှုကူညီရေးအသင်း နှင့် တိုင်းနေ လူမှုကူညီရေး အသင်းတို့မှ သူနာတင်ယာဉ်များဖြင့် ကျိုင်းတုံမြို့နယ် ပြည်သူ့ဆေးရုံကြီးသို့ ပို့ဆောင်ပေးခဲ့ရတယ်လို့ဆိုပါတယ်။

ဒီ့အပြင်ကျိုင်းတုံခရိုင်မီးသတ်စခန်းမှ အုပ်ချုပ်မှုယာဉ်(၁)စီး၊ ရှာဖွေကယ်ဆယ်ရေးယာဉ်(၁)စီး၊ ကျိုင်းတုံမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များဖြင့် ရှာဖွေကယ်ဆယ်ရေးလုပ်ငန်းတွေ ဆောင်ရွက်ပေးခဲ့တယ်လို့ သိရပါတယ်။

#mercury#mercurynews#ပြည်တွင်းသတင်း#မြန်မာ