ရေခဲအမှတ်နီးသည့်မြို့ (၁၀)မြို့ရှိ၊တနင်္သာရီနှင့်ကချင်တွင်နေရာကွက်ကျားမိုးရွာသွန်းရန်ရှိ

—————————————-

၂၀၂၅ခုနှစ်၊ဖေဖော်ဝါရီလ၊(၅)ရက်

ရေခဲအမှတ်နီးတဲ့မြို့ (၁၀)မြို့ရှိလာသလို

တနင်္သာရီတိုင်းဒေသကြီးနဲ့ ကချင်ပြည်နယ်တို့မှာ နေရာကွက်ကျား မိုးအနည်းငယ်ရွာနိုင်တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရပါတယ်။

ဟားခါးမြို့မှာ -၁.၀ ဒီဂရီဆဲလ်စီးယပ်၊ ပြင်ဦးလွင်မြို့မှာ ၂.၂ ဒီဂရီဆဲလ်စီးယပ်၊ နမ့်စန်မြို့(ရှမ်း ပြည်နယ်တောင်ပိုင်း)မှာ ၂.၅ ဒီဂရီဆဲလ်စီးယပ်၊ ဟဲဟိုးမြို့မှာ ၃.၂ ဒီဂရီဆဲလ်စီးယပ်၊ တီးတိန်မြို့မှာ ၃.၈ ဒီဂရီဆဲလ်စီးယပ်၊ မိုင်းယန်းမြို့မှာ ၄.၀ ဒီဂရီဆဲလ်စီးယပ်၊ ပင်လောင်းမြို့မှာ ၅.၈ ဒီဂရီ ဆဲလ်စီးယပ်၊ လွိုင်လင်မြို့မှာ ၆.၀ ဒီဂရီဆဲလ်စီးယပ်၊ မြစ်ကြီးနားမြို့မှာ ၇.၂ ဒီဂရီဆဲလ်စီးယပ်နှင့် ပူတာအိုမြို့မှာ ၈.၀ ဒီဂရီဆဲလ်စီးယပ်တို့ ဖြစ်ကြတယ်လို့ ဆိုပါတယ်။

ညအပူချိန် တွေမှာ ချင်းပြည်နယ်မှာ ဖေဖော်ဝါရီလရဲ့ ပျမ်းမျှအပူချိန်အောက် ၃ ဒီဂရီဆဲလ်စီးယပ်နဲ့ ရခိုင်ပြည်နယ်မှာ ဖေဖော်ဝါရီလရဲ့ ပျမ်းမျှအပူချိန်အောက် ၂ ဒီဂရီဆဲလ်စီးယပ် လျော့နည်းခဲ့ပြီး၊ ကျန်တိုင်းဒေသကြီးနှင့် ပြည်နယ်တို့တွင် ဖေဖော်ဝါရီလရဲ့ ပျမ်းမျှအပူချိန်ခန့်သာ ရှိခဲ့တယ်လို့ သိရပါတယ်။

မူရင်းဓါတ်ပုံပိုင်ရှင်ကို creditပေးပါသည်။

#mercury#mercurynews#ရာသီဉတု#မြန်မာ#ပြည်တွင်းသတင်း