ရုံဝင်သူ လေးသိန်းကျော်နဲ့အဆုံးသတ်ခဲ့ရတဲ့ ဆောင်ဂျွန်ကီရဲ့ Bogota: City of The Lost ရုပ်ရှင်ဟာ Netflix မှာ နံပါတ်တစ်နေရာအထိ ရောက်ရှိလာ

၂၀၂၅၊ဖေဖော်ဝါရီ၊၇ရက်

နာမည်ကျော်ကိုရီးယား သရုပ်ဆောင် ဆောင်ဂျွန်ကီ ပါဝင်သရုပ်ဆောင်ထားတဲ့ Bogota: City of The Lost ရုပ်ရှင်ဟာ ရုံတင်ချိန်က ကြည့်ရှုသူ လွန်စွာ နည်းပါးခဲ့ပေမယ့် လက်ရှိမှာတော့ Netflix မှာ နံပါတ်တစ်နေရာအထိ ရောက်ရှိလာပြီဖြစ်ပါတယ်။

Bogota: City of The Lost ရုပ်ရှင်ဟာ ကိုလံဘီယာနိုင်ငံမှာ ရိုက်ကူးထားတာဖြစ်ပြီး ကိုရီးယားဝမ် 12.5 ဘီလီယံအထိ ဘတ်ဂျတ်သုံးထားပေမယ့် ရုံတင်ချိန်မှာတော့ ရုံဝင်လူဟာ 4 သိန်းကျော်သာရှိခဲ့တာကြောင့် ဆောင်းဂျွန်ကီကိုယ်တိုင် တောင်ကိုရီးယားမှာ ရုပ်ရှင်စျေးကွက်ပျက်နေပြီလား ဆိုပြီးဝေဖန်ခဲ့ပါတယ်။

ရုပ်ရှင်ထုတ်လုပ်ရေးဘက်က ရုံဝင်လူနည်းတာကြောင့် Netflixကို ရောင်းချခဲ့ပြီး ဖေဖော်ဝါရီ 4 ရက်မှာ Netflixက စတင်ပြသခဲ့ပါတယ်။

စတင် ပြသတဲ့နေ့မှာပဲ Netflix Global စာရင်းရဲ့Top 3 နေရာကို ရောက်ရှိလာပြီး နောက်ရက်မှာတော့ Top 1 နေရာကို ရောက်ရှိနေတာကြောင့် အားလုံးက စိတ်ဝင်တစားစောင့်ကြည့်ရတဲ့ ရုပ်ရှင်တစ်ခုဖြစ်လာပါတယ်။

Bogota: City of The Lost ရုပ်ရှင်ဟာ ၁၉၉၀ခုနှစ်ဝန်းကျင်က တောင်ကိုရီးယားနိုင်ငံရဲ့ စီးပွားရေးပျက်ကပ်ကြောင့် အမိပြည်မှာ နေလို့မရတော့တဲ့ မိသားစုတစ်ခုကို အခြေခံရိုက်ကူးထားတာဖြစ်ပါတယ်။

ဓါတ်ပုံ-မူရင်းပိုင်ရှင်ကို Creditပေးပါသည်။

#mercury#mercurynews#နိုင်ငံတကာသတင်း#အနုပညာ#ဆောင်ဂျွန်ကီ