ရမည်သင်းမြို့နယ်အတွင်း မိုးသည်းထန်စွာရွာသွန်းမှုကြောင့်လူ(၁၀)ဦး ရေနှင့်မျောပါ အသက်ဆုံးရှုံး

===============================

၂၀၂၄ခုနှစ်၊စက်တင်ဘာလ၊(၁၂)ရက်

မန္တလေးတိုင်းဒေသကြီး၊ ရမည်သင်းမြို့နယ်အတွင်း မိုးသည်းထန်စွာရွာသွန်းမှုကြောင့် ရပ်ကွက်/ကျေးရွာအုပ်စုအများစုဟာ ရေဘေးသင့်နေပြီး လူ၁၀ဦး သေဆုံးခဲ့တယ်လို့ မြန်မာနိုင်ငံမီးသတ်ဉီးစီးဌာနက သတင်းထုတ်ပြန်ပါတယ်။

ရမည်းသင်းမြို့နယ်က အိမ်ထောင်စု(၁၅၁၁၃)စု၊ ကျား(၂၃၉၉၅)ဦး၊ မ(၂၉၉၇၇)ဦး၊ စုစုပေါင်း (၅၃၉၇၂)ဦး ရေဘေးသင့်ခဲ့ပြီး ဆည်ကြီး ကျေးရွာမှာ ကျား(၁)ဦး၊ ညောင်အိုင်ကျေးရွာမှာ မ(၁)ဦး၊ ကံသာအေးကျေးရွာမှာ ကျား(၂)ဦး၊ မ(၄)ဦး၊ ရွှေနန်းပေါ်ကျေးရွာမှာ မ(၁)ဦး၊ ဝါးချောင်းဖျားကျေးရွာမှာ မ(၁)ဦး၊ စုစုပေါင်း (၁၀)ဦး (‌ေ-သဆုံး)ခဲ့တယ်လို့ မီးသတ်ဉီးစီးဌာနရဲ့ ထုတ်ပြန်ချက်အရသိရပါတယ်။

ရေဘေးသင့်ပြည်သူတွေကို ရမည်းသင်းမြို့နယ်မီးသတ်စခန်းက သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များ၊သက်ဆိုင်ရာအဖွဲ့အစည်းများ ပူးပေါင်းပြီး သီလဝခန်းမ၊ သာသနာ့ဗိမာန်၊ ဘုန်းကြီးကျောင်း၊ ရွာတန်းခန်းမ၊ ကိုးခန်းကြီးဓမ္မာရုံ၊ ရန်ကြီးအောင်ကျောင်း စတဲ့ရေဘေးရှောင်နေရာများကို ကူညီရွှေ့ပြောင်းပေးတာတွေ ဆောင်ရွက်ပေးခဲ့တယ်လို့သိရပါတယ်။