ရန်ကုန်မြို့မှာငလျင်နှစ်ကြိမ်ဆက်လှုပ် အင်အားရစ်(ခ်)တာစကေး (၅.၁) အဆင့်ရှိ

၂၀၂၅ခုနှစ်၊မတ်လ(၅)ရက်

ဒီကနေမနက်စောစောရန်ကုန်မြို့မှာငလျင်နှစ်ကြိမ်ဆက်တိုက်လှုပ်ခတ်ခဲ့ပြီး ငလျင်လှုပ်ခတ်မှုဒဏ်ကို သိသိသာသာခံစားခဲ့ကြ ရတယ်လို့ရန်ကုန်မြို့မှာနေထိုင်သူတွေကပြောပါတယ်။

မတ်လ ၅ ရက်နံနက် ၄ နာရီ ၃၅ မိနစ်ခန့်မှာငလျင် တစ်ကြိမ်နဲ့နံနက် ၄နာရီ ၅၄မိနစ်ခန့်မှာတစ်ကြိမ်လှုပ်ရှားခဲ့ တာဖြစ်ပြီးမြောက်ဒဂုံ၊ တောင်ဒဂုံ၊ သင်္ဃန်းကျွန်း၊ ကျောက်တံတား ၊ ပုဇွန်တောင်သာကေတ၊ စမ်းချောင်း၊ မင်္ဂလာတောင်ညွှန့်၊ အင်းစိန်အပါအဝင်မြို့နယ်အများစုကငလျင်လှုပ်ခတ်မှုကိုသိသိသာသာခံစားခဲ့ရတယ်လို့ပြောပါတယ်။

”ငလျင်ကလှုပ်တာအတော်ကြမ်းတယ်။တိုက်ခန်းဆိုတော့ပိုသိသာသလိုပဲ။ကလေးတွေနဲ့ဘာလုပ်လို့လုပ်ရမလည်းကိုမသိဘူးဖြစ်သွားတာလို့” စမ်းချောင်းမြို့နယ်နေသူတစ်ဦကမှတ်ချက်ပြုပါတယ်။

ပထမအကြိမ်လှုပ်ခဲ့တဲ့ငလျင်ကပိုသိသာပြီးဒုတိယအကြိမ်လှုပ်တဲ့ငလျင်ကတော့ပထအကြိမ်လောက်မကြမ်းဘူးလို့လည်းရန်ကုန်မြို့နေသူတွေကပြောပါတယ်

မိုးလေဝသ နှင့် ဇလဗေဒ ညွှန်ကြားမှု ဦးစီးဌာနမှ သတင်း ထုတ်ပြန်ချက်မှာတော့၂၀၂၅ ခုနှစ်၊ မတ်လ ၅ ရက် ၊ မြန်မာစံတော်ချိန် (၀၄) နာရီ၊ (၃၆) မိနစ်၊ (၄၇) စက္ကန့် တွင် ကမ္ဘာအေးမြေငလျင်စခန်းမှ အနောက်-အနောက်မြောက်ဘက် (၃၃) မိုင်ခန့် ကွာဝေးသော မြန်မာနိုင်ငံပြည်တွင်း (ညောင်တုန်းမြို့၏ အရှေ့တောင်ဘက် (၆) မိုင်ခန့်အကွာ) အနက် (၁၀) ကီလိုမီတာကို ဗဟိုပြုပြီးအင်အားရစ်(ခ်)တာစကေး (၅.၁) အဆင့်ရှိ အင်အားအသင့်အတင့်ရှိသော မြေငလျင်တစ်ခု လှုပ်ရှားသွားတာဖြစ်တယ်လို့သိရပါတယ်။

မတ်လ၃ရက်နေကလည်းတိုက်ကြီးမြို့အနီးဗဟိုပြုပြီးအင်အား(၄.၅)အဆင့်ရှိငလျင်လှုပ်ရှားသွားနယ်လို့သိရပါတယ်။