ရန်ကုန်နှင့်ဒေသအချို့ နေ့အပူချိန်၃၉°C နှင့် ၄၀°Cအထက်ဆက်လက်မြင့်တက်မည်

————————————

၂၀၂၅ခုနှစ်၊မတ်လ၊(၁၅)ရက်

မတ်လ ၁၄ ရက် မှ ၂၀ ရက်အတွင်းရန်ကုန်၊မန္တလေးနှင့်ဒေသအချို့ နေ့အပူချိန်တွေ

၃၉°C နဲ့၄၀°Cအထက်ဆက်လက်မြင့်တက်ဖို့ရှိတယ်လို့ မိုးလေဝသပညာရှင်ဦးဝင်းနိုင်က ခန့်မှန်းထားပါတယ်။

ရန်ကုန်တိုင်း၊ ဧရာဝတီတိုင်း၊ ပဲခူးတိုင်း၊ နေပြည်တော်၊ မကွေးတိုင်း၊ မန္တလေးတိုင်းနှင့် စစ်ကိုင်းတိုင်း(အောက်ပိုင်း)ဒေသတွေမှာ နေ့အပူချိန်တွေ ၃၉°C နှင့် ၄၀°Cအထက်အထိ ဆက်လက်မြင့်တက်လာနိုင်တယ်လို့ဆိုပါတယ်။

“လူ့ခန္ဓာကိုယ်က နေ့အပူချိန် ၃၈°C ပဲခံနိုင်ရည်ရှိပါတယ်။အဲဒီ့ထက်ပိုပူပြင်းရင် ဦးနှောက်သွေးကြောပြတ်တာ၊လေဖြတ်တာ၊အပူလျှပ်ပြီး သတိလစ်တာတွေဖြစ်ပေါ်နိုင်ပါတယ်။ နေအိမ်အခန်းတွင်းမှာပဲ နေထိုင်သင့်ပါတယ်”လို့ ပြည်သူ့ကျန်းမာရေး ဖောင်ဒေးရှင်းမှ ဆရာဝန်ကြီးတစ်ဦးက ပြောပြထားပါတယ်။

နွေရာသီကာလ(မတ်လ မှ မေ လအတွင်း)မှာ ဒီဒေသတွေအတွင်း ပုံမှန်မြင့်တက်နေတဲ့ အပူချိန်တွေလဲဖြစ်တာကြောင့် ထူးခြားသောအပူချိန်မြင့်တက်ခြင်းမဟုတ်၊ အပူလှိုင်းဖြတ်ခြင်းလည်း မဟုတ်ဘူးလို့လည်းဖော်ပြထားပါတယ်။

တနင်္သာရီတိုင်းမှာ ခရမ်းလွန်ရောင်ခြည်အညွှန်းကိန်း(UV-INDEX)မြင့်တက်လာတာကိုတွေ့ရပြီး မိုးအနည်းငယ်ထစ်ချုန်းရွာနိုင်မဲ့ အခြေအနေတွေလည်း ရှိနေပါတယ်။

ကချင်ပြည်နယ် ပူတာအို၊ နောင်မွန်း၊ မချမ်းဘော၊ ချီဖွေ၊ဆွန်ပရာဘွမ်၊ ခေါင်လန်ဖူး ဒေသတွေမှာ မိုးအနည်းငယ်မှ အသင့်အတင့်(15mm to 30mm – ၀.၅၉ လက်မ မှ ၁.၁၈ လက်မ)ခန့်အထိ မိုးရွာသွန်းနိုင်တယ်လို့ မိုးလေဝသပညာရှင်ဦးဝင်းနိုင်က ခန့်မှန်းထားပါတယ်။

#Mercury#mercurynews#ပြည်တွင်းသတင်း#အပူချိန်#ရန်ကုန်မြို့#မြန်မာနိုင်ငံ