မြန်မာလုပ်ငန်းရှင်များအနေဖြင့် အာဆီယံမှချီးမြှင့်မည့်ASEAN-OSHNET Excellence Awards ပါဝင်ယှဉ်ပြိုင်နိုင်

———————————

၂၀၂၅ခုနှစ်၊ဖေဖော်ဝါရီလ၊(၁၁)ရက်

မြန်မာလုပ်ငန်းရှင်များအနေဖြင့် အာဆီယံကချီးမြှင့်မယ့် “အာဆီယံလုပ်ငန်းခွင် ဘေးအန္တရာယ်ကင်းရှင်းရေးနှင့် ကျန်းမာရေးဆု”ASEAN-OSHNET Excellence Awards ဆုအတွက်ပါဝင်ယှဉ်ပြိုင်နိုင်တယ်လို့ သိရပါတယ်။

လုပ်ငန်းခွင် ဘေးအန္တရာယ် ကင်းရှင်းရေးနှင့် ကျန်းမာရေးစနစ် ထူးခြားစွာ ဆောင်ရွက်ထားသော ကုန်ထုတ်သည့် စက်ရုံ၊ အလုပ်ရုံနှင့် အဆောက်အဦ တည်ဆောက်ရေး လုပ်ငန်းများအနေဖြင့် ASEAN-OSHNET Excellence ဆုကို လျှောက်ထားနိုင်မှာဖြစ်ပါတယ်။

အလုပ်သမား အင်အား (၅၀) ဦးမှ (၃၀၀) အထိရှိ အသေးစားနဲ့အလတ်စား စက်ရုံ၊ အလုပ်ရုံနှင့် အလုပ် ဌာနတွေ၊ လုပ်သားအင်အား (၃၀၀) မှ (၆၀၀) အထိရှိ လုပ်အားအခြေပြု ထုတ်လုပ်မှုလုပ်ငန်း (သို့မဟုတ်)လက်ခစားလုပ်ကိုင်တဲ့စက်ရုံ၊ အလုပ်ရုံနဲ့ အလုပ်ဌာနတွေအနေနဲ့ ASEAN-OSHNET Best Practices ဆုကိုဝင်ရောက်ယှဉ်ပြိုင်နိုင်တယ်ပြီး မတ်လ(၃)ရက်နောက်ဆုံးထားကာ လျှောက်ထားနိုင်တယ်လို့ သိရပါတယ်။

ပြီးခဲ့တဲ့၂၀၂၄ခုနှစ်က Dagon Beverages Company Limited (Myanmar)မှ ASEAN-OSHNET Excellence Awardsဆုရခဲ့သလို ASEAN-OSHNET Best Practices Award ကိုတော့Jotun Myanmar အိမ်သုတ်ဆေးစက်ရုံမှရရှိခဲ့ဖူးတယ်လို့ သိရပါတယ်။

#mercury#mercurynews#အာဆီယံ#ပြည်တွင်းသတင်း