မြန်မာနိုင်ငံအတွင်းတရားမဝင် ဝင်ရောက်လာသည့်နိုင်ငံခြားသား(၅၄၄၆)ဦးကိုထိန်းသိမ်းခဲ့ဟုထုတ်ပြန်

——————————————————————————-

၂၀၂၅ခုနှစ်၊မတ်လ၊(၁၂)ရက်

ရက်ပေါင်း(၄၀)အတွင်း ကျားဖြန့်လိမ်လည်မှုလုပ်ငန်းတွေမှာပါဝင်ဖို့ မြန်မာပြည်အတွင်းဝင်ရောက်လာတဲ့ နိုင်ငံခြားသား(၅၄၄၆)ဦးကိုစစ်ဆေးဖော်ထုတ်ထိန်းသိမ်းနိုင်ခဲ့တယ်လို့ ပြည်ထဲရေးဝန်ကြီးဌာနရဲ့ထုတ်ပြန်ချက်အရ သိရပါတယ်။

၂၀၂၅ ခုနှစ် ဇန်နဝါရီ ၃၀ ရက်မှ မတ် ၁၁ ရက်အထိ မြန်မာနိုင်ငံအတွင်းသို့ တရားမဝင် ဝင်ရောက်လာသည့် ပြည်ပနိုင်ငံသား စုစုပေါင်း (၅၄၄၆) ဦးကို စစ်ဆေးဖော်ထုတ်ထိန်းသိမ်းနိုင်ခဲ့တာဖြစ်ပါတယ်။

၎င်းတို့အနက်မှ (၂၇၆၃) ဦးကို ထိုင်းနိုင်ငံမှတစ်ဆင့်သက်ဆိုင်ရာ နိုင်ငံတွေကို ဥပဒေလုပ်ထုံး လုပ်နည်းတွေနဲ့အညီ စနစ်တကျလွှဲပြောင်းပေးခဲ့ပြီး ကျန်ရှိတဲ့ ပြည်ပနိုင်ငံသား (၂၆၈၃)ဦးကို သက်ဆိုင်ရာနိုင်ငံတွေကို လွှဲပြောင်းပေးဖို့ အသင့်ဖြစ်နေပြီ ဖြစ်ကြောင်းနဲ့ ၎င်းတို့ကိုကောင်းမွန်စွာ ထိန်းသိမ်း စောင့်ရှောက်ထားရှိတယ်လို့ သိရပါတယ်။

#Mercury#mercurynews#ပြည်တွင်းသတင်း#ကျားဖြန်.#တရားမဝင်နိုင်ငံခြားသားများ#yangonMyanmar