မြစ်ထဲမြူဆိုင်းပြီး မြင်ကွင်းကွယ်နိုင်၍လှေ/သင်္ဘောများ မတိုက်မိအောင်သတိထားရန်လို

————————————————————

၂၀၂၅ခုနှစ်၊ဖေဖော်ဝါရီလ၊(၁၀)ရက်

ရန်ကုန်မြစ်၊ပဲခူးမြစ်၊ငမိုးရိပ်ချောင်းတစ်လျှောက် မနက်အစောပိုင်းမြူထူ

ဆိုင်းနိုင်လို့ လှေ/သင်္ဘောတွေ သတိထားကြဖို့မိုးလေဝသပညာရှင် ဦးဝင်းနိုင်က သတိပေးထားပါတယ်။

ရန်ကုန်မြစ်၊ ပဲခူးမြစ်တလျှောက်နဲ့ ငမိုးရိပ်ချောင်း(ပုစွန်တောင်ချောင်း)တလျှောက်မှာ မနက် ၄ နာရီမှ ၉ နာရီအထိ မြူဆိုင်းခြင်းဖြစ်ပေါ်နိုင်တာကြောင့် မြစ်ချောင်း အတွင်းမှာအဲ့ဒီအချိန်သွားလာကြမဲ့ လှေ/သင်္ဘောများ အမြင်တာ(Visibility) ကျဆင်းလျော့နည်းနိုင်တာကြောင့် သတိဖြင့်ခုတ်မောင်းသွားလာကြပါဖို့ အသိပေးတင်ပြထားတာဖြစ်ပါတယ်။

ဒီ့အပြင် ရခိုင်ပြည်နယ်-ကျောက်ဖြူဒေသ၊ ဧရာဝတီတိုင်းအနောက်တောင်ဘက် ကမ်းရိုးတန်းဒေသတွေ၊ ရန်ကုန်တိုင်းအရှေ့ပိုင်း၊ ရှမ်းပြည်နယ်၊ စစ်ကိုင်းတိုင်းဒေသတချို့မှာ မနက် ၄ နာရီမှ ၉ နာရီအတွင်း မြူဆိုင်းနိုင်(Fog ကျနိုင်)ပြီး အမြင်တာ(Visibility)လျော့နည်းနိုင်တယ်လို့ သိရပါတယ်။

မူရင်းဓါတ်ပုံပိုင်ရှင်ကို credit ပေးပါသည်။

#mercury#mercurynews#ပြည်တွင်းသတင်း#သတိပေးချက်