မော်လမြိုင်မှာ အမျိုးသားတစ်ယောက် အရက်မူးပြီး မီးပုံထဲပြုတ်ကျ

မွန်ပြည်နယ်၊ မော်လမြိုင်မြို့မှာ အမျိုးသားတစ်ယောက် အရက်မူးပြီး မီးပုံထဲ ပြုတ်ကျခဲ့တယ်လို့ သိရပါတယ်။

မတ်လ ၁၁ ရက်၊ ည ၈နာရီ မိနစ်၂၀ လောက်က မော်လမြိုင်မြို့၊ သွေးသောက်ရပ်ကွက်မှာ အမျိုးသားတစ်ယောက် အရက်မူးပြီး မီးပုံထဲပြုတ်ကျခဲ့တာလို့ ဆိုပါတယ်။

အဲ့ဒီဖြစ်စဉ်ကို သိရှိလိုက်ရတဲ့အတွက် ဘိုဘိုဝင်းအရေးပေါ်ကယ်ဆယ်ရေးအဖွဲ့က သွားရောက်ကူညီခဲ့ပြီး မီးပုံထဲပြုတ်ကျခဲ့တဲ့ အမျိုးသားဟာ မီးလောင်ဒဏ်ရာတွေ ရရှိခဲ့လို့ လိုအပ်တာတွေကို စီမံဆောင်ရွက်ပေးခဲ့ကြောင်းလည်း သိရှိရပါတယ်။

မီးလောင်ဒဏ်ရာတွေရရှိခဲ့တဲ့ အမျိုးသားကို ဘိုဘိုဝင်းအရေးပေါ်ကယ်ဆယ်ရေးအဖွဲ့က မော်လမြိုင်ဆေးရုံကြီးဆီ ကူညီပို့ဆောင်ပေးထားလိုက်ပြီလည်းဖြစ်ပါတယ်။