မီးပွိုင့်မှာ နှစ် ၂၀ ကျော်ကြာအောင် ငွေပန်းရောင်းပြီး မိသားစုကို စောင့်ရှောက်နေဆဲ အဖွား ဒေါ်တင်တင်

မီးပွိုင့်မှာ နှစ် ၂၀ ကျော်ကြာအောင် ငွေပန်းရောင်းပြီး အသက် ၉၀ ကျော် အမေနဲ့ ၉ နှစ်သမီးကို ပြုစုစောင့်ရှောက်နေသူ အဖွား ဒေါ်တင်တင် ————————– ဒုက္ခဟာ တစ်ကိုယ်တည်း မလာဘူး၊ အပေါင်းနဲ့အသင်းနဲ့ လာတတ်တယ်ဆိုတာ အဖွား ဒေါ်တင်တင်ကို ကြည့်ပြီး နားလည်ရပြန်ပါတယ်။ အဖွားဟာ ကျန်းမာရေးကြောင့် ရင်သားနှစ်ဖက်လုံးကို ဖြတ်တောက်ထားရသူပါ။ မီးပွိုင့်မှာ အဖွား ဒေါ်တင်တင် ငွေပန်းရောင်းချလာခဲ့တဲ့သက်တမ်းက နှစ် ၂၀ ကျော်ပါပြီ။ အသက်ကြီးမှ အိမ်ထောင်ကျခဲ့ပြီး သမီးလေးတစ်ယောက် ထွန်းကားခဲ့ပါတယ်။ အခုဆိုရင် အဖွား ဒေါ်တင်တင်ရဲ့သမီးလေးက အသက် ၉ နှစ် ရှိလို့နေပါပြီ။ ဒီသမီးလေးကို အသက် ၄၈ နှစ်အရွယ်ကိုရောက်မှ အဖွား ဒေါ်တင်တင်က ရရှိခဲ့တာပါ။ခင်ပွန်းဖြစ်သူက ဆုံးပါးသွားခဲ့ပြီဖြစ်လို့ မိသားစုအရေးကို ရင်သားနှစ်ဖက် ဖြတ်တောက်ထားရတဲ့ကြားကနေ အဖွား ဒေါ်တင်တင်က ရုန်းကန်ရှာဖွေပေးနေရဆဲပါပဲ။ အဖွား ဒေါ်တင်တင်ရဲ့အမေက အသက် ၉၀ ကျော်အရွယ် ရှိနေပါပြီ။ ဒါကြောင့် အဖွား ဒေါ်တင်တင်ဟာ အမေဖြစ်သူကိုတစ်ဖက်၊ သမီးဖြစ်သူကိုတစ်ဖက် ကျွေးမွေးပြုစု စောင့်ရှောက်နေရတယ်ဆိုရင် မမှားပါဘူး။ အိမ်ငှားခ မပေးနိုင်ခဲ့လို့ အိမ်ပေါ်ကနေ မောင်းချခံခဲ့ရတာတွေ ရှိခဲ့တာကိုလည်း အဖွား ဒေါ်တင်တင်က မျက်ရည်စက်လက်နဲ့ ရင်နင့်စဖွယ် ပြောပြပါတယ်။ မီးပွိုင့်မှာ ငွေပန်းရောင်းချကာ ရိုးရိုးသားသား ရှာဖွေစားသောက်ရင်း သူမကို စေတနာရှိရင် လှူဒါန်းပေးကြပါလို့လည်း အဖွား ဒေါ်တင်တင်က လည်ပင်းမှာ စာလေးချိတ်ဆွဲထားပါတယ်။ မီးပွိုင့်မှာ နှစ်ပေါင်း ၂၀ ကျော်ကြာ ငွေပန်းရောင်းချခဲ့ရသူ။ ကျန်းမာရေးကြောင့် ရင်သားနှစ်ဖက် ဖြတ်တောက်ထားရသူ၊ အသက် ၉၀ ကျော်အရွယ် အမေဖြစ်သူနဲ့ အသက် ၉ နှစ်အရွယ် သမီးဖြစ်သူကို ကျွေးမွေးစောင့်ရှောက်နေရသူ အဖွား ဒေါ်တင်တင်ရဲ့ဘဝခရီးလမ်းက ရင်မောဖွယ်ရာတွေနဲ့ ပြည့်နှက်နေလို့ Mercury Variety ပရိသတ်တွေ သိရှိနိုင်အောင် ဖော်ပြပေးလိုက်ပါတယ်။ #MercuryVariety #MV #MercuryExclusiveInterview #ExclusiveInterview #MercuryLifeStory #LifeStory #ဒေါ်တင်တင် #DawTinTin #အမေ #သမီး #မိသားစု #ကျွေးမွေးပြုစု #Family #စားဝတ်နေရေး #Yangon #Myanmar