မဟာအောင်မြေမြို့နယ်မှာ လူနေအိမ် မီးလောင်မှုဖြစ်ပွား

မန္တလေးတိုင်းဒေသကြီး၊ မဟာအောင်မြေမြို့နယ်၌ ဒီနေ့ မတ်လ (၁၇) ရက်၊ မနက် (၀၀)နာရီ (၅၁)မိနစ်အချိန်လောက်က လူနေအိမ်တစ်လုံး မီးလောင်မှုဖြစ်ပွားခဲ့တယ်လို့ သိရှိရပါတယ်။

မဟာအောင်မြေမြို့နယ်၊ မဟာနွယ်စဉ်ရပ်ကွက်၊ အပိုင်း(၁)၊ (၃၆)လမ်း၊ (၇၁)လမ်းနဲ့ (၇၂)လမ်းကြားမှာ ဖြစ်ပွားခဲ့တာဖြစ်ပြီး လူနေ (၂) ထပ်အိမ် မီးစွဲလောင်တာဖြစ်တယ်လို့ သတင်းကြားသိရပါတယ်။

ဖြစ်စဥ်ဖြစ်ပွားတဲ့နေရာဆီကို မဟာအောင်မြေမြို့နယ် မီးသတ်စခန်းက မီးငြှိမ်းသတ်ယာဉ်(၅)စီး၊ မီးသတ်ရေသယ်ယာဉ်(၂)စီး၊ သန္ဓေမီးသတ်တပ်ဖွဲဝင်တွေ၊ အရန်မီးသတ်
တပ်ဖွဲဝင်တွေနဲ့အတူ လူမှုကူညီရေးအသင်းတို့ သွားရောက်ကာ မီးငြှိမ်းသ..—တ်ပေးခဲ့လို့ မနက် (၁)နာရီ (၅) မိနစ်အချိန်လောက်မှာ မီးငြိမ်းသွားခဲ့ပါတယ်။

မီးလောင်မှုဖြစ်ပွားရတဲ့အကြောင်းရင်းနဲ့ ထိခိုက်ပျက်စီး ဆုံးရှုံးမှုတွေကိုတော့ သက်ဆိုင်ရာ တာဝန်ရှိသူတွေက စုံစမ်းစစ်ဆေးမှုတွေ ဆောင်ရွက်နေပြီလို့ သတင်းကြားသိရပါတယ်။