မရမ်းကုန်းမြို့နယ်၊ အမှတ်(၈)ရပ်ကွက်၊ ဓနသိဒ္ဓိလမ်းတွင် မီးလောင်မှုဖြစ်ပွား

————–

၂၀၂၄ခုနှစ်၊အောက်တိုဘာလ၊(၂၂)ရက်

မရမ်းကုန်းမြို့နယ်၊ အမှတ်(၈)ရပ်ကွက်၊ ဓနသိဒ္ဓိလမ်းတွင် မီးလောင်မှုဖြစ်ပွားခဲ့ကြောင်းမြန်မာနိုင်ငံမီးသတ်တပ်ဖွဲ့ကသတင်းထုတ်ပြန်ပါတယ်။

အောက်တိုဘာလ(၂၂ )ရက်နေ့ မနက်( ၆နာရီ၃မိနစ် ) အချိန်ခန့်၊ ရန်ကုန်တိုင်းဒေသကြီး၊ မရမ်းကုန်းမြို့နယ်၊ အမှတ်(၈)ရပ်ကွက်၊ ဓနသိဒ္ဓိလမ်းတွင် မီးလောင်မှုဖြစ်ပွားခဲ့တာဖြစ်ပါတယ်။

မီးလောင်မှုဖြစ်ပွားရာနေရာကိုသမိုင်းနယ်မြေမီးသတ်စခန်းမှ မီးငြှိမ်းသတ်ယာဉ်(၁)စီး၊ ရန်ကင်းမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ မရမ်းကုန်းမြို့နယ်မီးသတ်စခန်းမှ မီးငြှိမ်းသတ်ယာဉ်(၃)စီး အပြင် Level 1ယာဥ်အုပ်စုနဲ့Level 2ယာဥ်အုပ်စုများပါ ပူးပေါင်းမီးငြှိမ်းသတ်ခဲ့ရာမနက်(၀၆ :၃၅) အချိန် မှာမီးငြှိမ်းနိုင်ခဲ့တယ်လို့သိရပါတယ်။