မန်ယူ ဂိုးမသွင်းနိုင်တာ ၆ နာရီနဲ့ ၂၁ မိနစ် ရှိသွားပြီ

ဝက်စ်ဟမ်းနဲ့ မန်ယူတို့ ယှဉ်ပြိုင်ကစားခဲ့တဲ့ ပရီးမီးယားလိဂ်ပွဲစဉ်မှာ ဝက်စ်ဟမ်းက နှစ်ဂိုး ဂိုးမရှိနဲ့ အနိုင်ရသွားခဲ့ပါတယ်။

အခုဆိုရင် မန်ယူက ဂိုးပေါက်ပျောက်တာ ၄ ပွဲအထိ ရှိလာခဲ့ပြီဖြစ်ပြီး အချိန်အားဖြင့် မန်ယူ ဂိုးပေါက်ပျောက်တာဟာ ၆ နာရီနဲ့ ၂၁ မိနစ် ရှိသွားခဲ့ပြီဖြစ်ပါတယ်။

မန်ယူဟာ ဘုန်းမောက်၊ ဘိုင်ယန်မြူးနစ်၊ လီဗာပူးနဲ့ ဝက်စ်ဟမ်း ၄ ပွဲဆက် ဂိုးပေါက်ပျောက်သွားခဲ့တာဖြစ်ပြီး မန်ယူ သွင်းယူရရှိခဲ့တဲ့ နောက်ဆုံးဂိုးက ချယ်လ်ဆီးကို နှစ်ဂိုး တစ်ဂိုးနဲ့အနိုင်ရရှိခဲ့တဲ့ ပရီးမီးယားလိဂ်ပွဲစဉ်တုန်းက မက်တိုမီနေး သွင်းယူခဲ့တဲ့ အဖိုးတန်အနိုင်ဂိုးပဲဖြစ်ပါတယ်။

မက်တိုမီနေး ဟာ မန်ယူအတွက် အဖိုးတန်ဂိုးကို ပွဲချိန် ၆၉ မိနစ်မှာ သွင်းပေးခဲ့တာဖြစ်ပြီး အဲ့ဒီနောက်ဆုံးသွင်းဂိုးကို ရှာဖွေရရှိခဲ့ချိန်ကနေ အစပြုပြီး တွက်ချက်လိုက်ရင် မန်ယူ ဂိုးပေါက်ရှာမတွေ့တော့တဲ့ ကြာမြင့်ချိန်က ၆ နာရီနဲ့ ၂၁ မိနစ် ရှိသွားခဲ့ပြီပဲဖြစ်ပါတယ်။

မန်ယူလည်း အခုထက်ပိုပြီး ဂိုးပေါက်ပျောက်ရင် ပျောက်ကြီး မန်ယူလို့ နာမည်တွင်လာလောက်ပါတယ်။